Ather Energy; ಗ್ರಾಹಕರಿಗೆ ಎಥರ್‌ ಕೇರ್‌ ಸೇವಾ ಯೋಜನೆಯ ಕೊಡುಗೆ

ಬೆಂಗಳೂರು: ಭಾರತದಲ್ಲಿ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನ ಉದ್ಯಮದಲ್ಲಿ ಪ್ರಸಿದ್ಧಿ ಪಡೆದಿರುವ ಎಥರ್‌ ಎನರ್ಜಿ ತನ್ನ ಗ್ರಾಹಕರಿಗೆ ಎಥರ್‌ ಕೇರ್‌ ಸೇವಾ ಯೋಜನೆಗಳ ಕೊಡುಗೆ ಪರಿಚಯಿಸಿದೆ.

ಈ ಯೋಜನೆಗಳು ಉಚಿತ ಆವರ್ತಕ ನಿರ್ವಹಣೆಯನ್ನು ಒಳಗೊಂಡಿದ್ದು ವಾಹನಗಳ ಬಿಡಿ ಭಾಗಗಳ ಬದಲಿಗಳ ಮೇಲೆ ರಿಯಾಯಿತಿ, ಎಕ್ಸ್‌ಪ್ರೆಸ್‌ ಕೇರ್‌ ಮತ್ತು ಪಾಲಿಶಿಂಗ್‌ನಂತಹ ಸೇವೆಯನ್ನು ಒಳಗೊಂಡಿದೆ. ಇದು ಗ್ರಾಹಕರಿಗೆ ಅನುಕೂಲ ಮತ್ತು ಉಳಿತಾಯವನ್ನು ಒದಗಿಸುತ್ತದೆ.

ಎಥರ್‌ ಕೇರ್‌ ಮೂರು ಆರೈಕೆ ಯೋಜನೆಗಳನ್ನು ನೀಡುತ್ತಿದೆ. ಎಥರ್‌ ಕೇರ್‌, ಎಥರ್‌ ಕೇರ್‌ ಪ್ಲಸ್‌ ಮತ್ತು ಎಥರ್‌ ಕೇರ್‌ ಮ್ಯಾಕ್ಸ್‌. ಗ್ರಾಹಕರು ತಮ್ಮ ಅಗತ್ಯಗಳಿಗೆ ಸರಿಹೊಂದುವ ಯೋಜನೆಗಳನ್ನು ಆಯ್ಕೆ ಮಾಡುವ ಅವಕಾಶವಿದೆ. ಈ ಎಲ್ಲ ಗ್ಯಾರಂಟಿ ಯೋಜನೆಗಳು 1 ವರ್ಷ ಅಥವಾ 10,000 ಕಿ.ಮೀ.ಗಳ ಓಡಾಟದಲ್ಲಿ ಯಾವುದು ಮೊದಲು ಬರುತ್ತದೋ ಅದು ಅನ್ವಯಿಸುತ್ತದೆ.
ಈ ಮೂರು ಯೋಜನೆಗಳಲ್ಲಿ ಗ್ರಾಹಕರಿಗೆ ತಮ್ಮ ವಾಹನಗಳ ನಿರ್ವಹಣೆಯ ವೆಚ್ಚವನ್ನು ಕಡಿಮೆ ಮಾಡಿಕೊಳ್ಳಬಹುದು ಮತ್ತು ಸವೆಯುವ ಬಿಡಿ ಭಾಗಗಳ ಮೇಲೆ ಶೇ. 10 ರಿಯಾಯಿತಿ ಪಡೆಯುವ ಅವಕಾಶ ಇದೆ.

ಗ್ರಾಹಕರು ಎಥರ್‌ನ ಯಾವುದೇ ಅಧಿಕೃತ 210 ಸೇವಾ ಕೇಂದ್ರಗಳು ಮತ್ತು 230 ಅನುಭವ ಕೇಂದ್ರಗಳಲ್ಲಿ ಈ ಯೋಜನೆಯ ಲಾಭ ಪಡೆಯಲು ಅವಕಾಶವಿದೆ. ಯೊಜನೆಗಳ ಬೆಲೆ 1,130ರಿಂದ 2,400ರ ವರೆಗೆ ಇದೆ ಮತ್ತು ಇದು ಗ್ರಾಹಕರಿಗೆ 5,900ರ ವರೆಗೆ ಪ್ರಯೋಜನಗಳನ್ನು ನೀಡುತ್ತದೆ ಎಂದು ಕಂಪೆನಿಯ ಪ್ರಕಟನೆ ತಿಳಿಸಿದೆ.