ವಿಮಾನಾಕೃತಿಯ ಬಲೂನ್ ಪತ್ತೆ…ಬೆಚ್ಚಿಬಿದ್ದ ಗ್ರಾಮಸ್ಥರು

ಶ್ರೀನಗರ : ಜಮ್ಮು- ಕಾಶ್ಮೀರದ ಹೀರಾನಗರ ಸೆಕ್ಟರ್ ನ ಸೊಟ್ರಾ ಚಕ್ ಗ್ರಾಮದಲ್ಲಿ ಮಂಗಳವಾರ ( ಮಾರ್ಚ್ 10) ವಿಮಾನ ಆಕೃತಿಯಲ್ಲಿರುವ ಬಲೂನ್ ಪತ್ತೆಯಾಗಿದೆ.

ಹಸಿರು ಹಾಗೂ ಬಿಳಿ ಬಣ್ಣದಲ್ಲಿರುವ ಬಲೂನ್ ಮೇಲೆ ‘PIA’ ಎಂದು ಬರೆಯಲಾಗಿತ್ತು. ಬಲೂನ್ ಕಂಡು ಆತಂಕಕ್ಕೆ ಒಳಗಾದ ಗ್ರಾಮಸ್ಥರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ದೌಡಾಯಿಸಿದ ರಾಜ್‍ಬಾಗ್ ಠಾಣೆಯ ಪೊಲೀಸರು ಬಲೂನ್ ವಶಕ್ಕೆ ಪಡೆದು ತನಿಖೆ ಕೈಗೊಂಡಿದ್ದಾರೆ.

ಇನ್ನು ಈ ಬಲೂನ್ ಎಲ್ಲಿಂದ ಬಂತು, ಇದನ್ನು ಯಾರು ಹಾರಿಸಿದ್ದು ಯಾರು ಎಂಬಿತ್ಯಾದ ಮಾಹಿತಿಗಳು ತನಿಖೆಯ ನಂತರ ಹೊರಬರಲಿವೆ ಎಂದು ಪೊಲೀಸ್ ಅಧಿಕಾರಿಗಳು ಮಾಧ್ಯಮಗಳಿಗೆ ಹೇಳಿದ್ದಾರೆ.