ಕಡಲೆ ಕಾಳು ಖರೀದಿಗೆ ಅಳವಡಿಸಿರುವ ಜಿಪಿಎಸ್‌ ತಂತ್ರಾಂಶ ರದ್ದುಪಡಿಸಲು ಆಗ್ರಹ

ಬೈಲಹೊಂಗಲ: ಕಡಲೆ ಕಾಳು ಖರೀದಿಗೆ ಜಿಪಿಎಸ್‌ ತಂತ್ರಾಂಶ ಬದಲಿಸುವಂತೆ ತಾಲೂಕು ದೊಡವಾಡ ಗ್ರಾಮದ ಪಿಕೆಪಿಎಸ್‌ ನಿರ್ದೇಶಕರು,ಸದಸ್ಯರು ಬೆಳಗಾವಿಯಲ್ಲಿ ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್‌ ಕುಮಾರ್‌ ಕಟೀಲ್‌ ಅವರಿಗೆ ಬುಧವಾರ ಮನವಿ ಸಲ್ಲಿಸಿದರು.

ಬೆಂಬಲ ಬೆಲೆಯಡಿ ಕಡಲೆ ಕಾಳು ಖರೀದಿಯಲ್ಲಿ ರಾಜ್ಯ ಸರ್ಕಾರದ ಜಿಪಿಎಸ್‌ ತಂತ್ರಾಂಶದಲ್ಲಿ ಗುರುತಿಸಿದ ಹೊಲಗಳಿಂದ ಬೆಳೆದ ಕಡಲೆ ಕಾಳು ಮಾತ್ರ ಖರೀದಿಗೆ ಮುಂದಾಗಿರುವ ನೆಫೆಡ್‌ ಸಂಸ್ಥೆಯ ನಿಯಮಾವಳಿಯನ್ನು ಬದಲಾಯಿಸಬೇಕು ಮತ್ತು ಖರೀದಿ ಮಿತಿ 20 ಕ್ವಿಂಟಲ್‌ಗೆ ಹೆಚ್ಚಿಸುವಂತೆ ಸರ್ಕಾರದ ಮೇಲೆ ಒತ್ತಡ ತರುವಂತೆ ಮನವಿಯಲ್ಲಿ ತಿಳಿಸಲಾಗಿದೆ. ನಿಂಗಪ್ಪ ಚೌಡಣ್ಣವರ, ಉದಯ ಕೊಟಬಾಗಿ,ವಿಠಲ ಗಾಬಿ, ಲಕ್ಕಪ್ಪ ಅಲಕ್ಕನವರ ಇದ್ದರು.