ಓಷಿಯನ್‌ ಸ್ಪಾರ್ಕಲ್‌ ಕಂಪನಿ ಈಗ ಅದಾನಿ ಪಾಲು!

ನವದೆಹಲಿ: ಭಾರತದ ಅತಿದೊಡ್ಡ ನೌಕಾ ಸೇವೆಗಳ ಕಂಪನಿ ಓಷಿಯನ್‌ ಸ್ಪಾರ್ಕಲ್‌ ಲಿ. ಈಗ ಅದಾನಿ ಸಮೂಹದ ಪಾಲಾಗಿದೆ.

ಅದಾನಿ ಬಂದರುಗಳು ಮತ್ತು ವಿಶೇಷ ಆರ್ಥಿಕ ವಲಯ ಲಿ.(ಎಪಿಎಸ್‌ಇಝೆಡ್‌) ಕಂಪನಿಯು ತನ್ನ ಅಂಗಸಂಸ್ಥೆಯಾದ ಅದಾನಿ ಹಾರ್ಬರ್‌ ಸರ್ವೀಸಸ್‌ ಲಿ. ಮೂಲಕ ಓಷಿಯನ್‌ ಸ್ಪಾರ್ಕಲ್‌ ಕಂಪನಿ(ಒಎಸ್‌ಎಲ್‌)ಯ ಎಲ್ಲ ಶೇ.100ರಷ್ಟು ಷೇರುಗಳನ್ನು ಖರೀದಿಸಿದೆ.

ಒಎಸ್‌ಎಲ್‌ ಕಂಪನಿಯು ನೌಕಾ ಸೇವೆಗಳನ್ನು ಒದಗಿಸುವ ಕಂಪನಿಗಳ ಪೈಕಿ ಭಾರತದಲ್ಲಿ ಟಾಪ್‌ ಸ್ಥಾನ ಹೊಂದಿದ್ದರೆ, ಜಾಗತಿಕವಾಗಿ 11ನೇ ಸ್ಥಾನ ಹೊಂದಿದೆ.

ಯಾರೂ ಹಸಿದ ಹೊಟ್ಟೆಯಲ್ಲಿ ಮಲಗುವುದಿಲ್ಲ:
2050ರ ವೇಳೆಗೆ ಭಾರತವೇನಾದರೂ ಅಂದುಕೊಂಡಂತೆಯೇ 30 ಲಕ್ಷಕೋಟಿ ಡಾಲರ್‌ ಆರ್ಥಿಕತೆಯಾಗಿ ರೂಪುಗೊಂಡರೆ, ಹಸಿದ ಹೊಟ್ಟೆಯಲ್ಲಿ ನಿದ್ರಿಸುವಂಥ ಸ್ಥಿತಿ ಯಾರೊಬ್ಬರಿಗೂ ಬರುವುದಿಲ್ಲ ಎಂದು ಕೈಗಾರಿಕೋದ್ಯಮಿ ಗೌತಮ್‌ ಅದಾನಿ ಹೇಳಿದ್ದಾರೆ.

ಇದನ್ನೂ ಓದಿ:ಪಿಎಸ್ಐ ಪರೀಕ್ಷೆ ಅಕ್ರಮ: ಎಂಟು ಮಂದಿಗೆ ಜಾಮೀನು ನಿರಾಕರಣೆ

2050ರಿಂದ ನಾವು 10 ಸಾವಿರ ದಿನಗಳಷ್ಟು ದೂರವಿದ್ದೇವೆ. ಆ ಸಮಯ ಬರುವ ವೇಳೆಗೆ ನಾವು 25 ಲಕ್ಷಕೋಟಿ ಡಾಲರ್‌ ಅನ್ನು ಆರ್ಥಿಕತೆಗೆ ಸೇರಿಸಿದರೆ, ದೇಶದ ಜಿಡಿಪಿಗೆ ವರ್ಷಕ್ಕೆ ಹೆಚ್ಚುವರಿಯಾಗಿ 2.5 ಲಕ್ಷಕೋಟಿ ಡಾಲರ್‌ ಸೇರ್ಪಡೆಯಾಗಲಿದೆ. ಹಾಗಾಗಿ, ಎಲ್ಲ ರೀತಿಯ ಬಡತನವೂ ನಿರ್ಮಾಲನೆಯಾಗಲಿದೆ ಎಂದೂ ಅದಾನಿ ಹೇಳಿದ್ದಾರೆ.