Urvashi Rautela: ಶೂಟಿಂಗ್‌ ವೇಳೆ ಕಾಲಿಗೆ ಏಟು; ಬಿಟೌನ್‌ ಬೆಡಗಿ ಊರ್ವಶಿಗೆ ಗಂಭೀರ ಗಾಯ

ಹೈದರಾಬಾದ್:‌ ಶೂಟಿಂಗ್‌ ಸಂದರ್ಭದಲ್ಲಿ ಸಂಭವಿಸಿದ ಅವಘಡದಿಂದ ಬಾಲಿವುಡ್‌ ನಟಿ ಊರ್ವಶಿ ರೌಟೇಲಾ(Urvashi Rautela) ಅವರಿಗೆ ಗಂಭೀರ ಗಾಯಗಳಾಗಿರುವ ಘಟನೆ ನಡೆದಿರುವುದು ವರದಿಯಾಗಿದೆ.

ಬಾಲಿವುಡ್‌ ಸೇರಿದಂತೆ, ಬಹುಭಾಷೆಯಲ್ಲಿ ತನ್ನ ನಟನೆ ಹಾಗೂ ಮೋಹಕ ನೋಟದಿಂದ ಸದ್ದು ಮಾಡಿರುವ ನಟಿ ಊರ್ವಶಿ ರೌಟೇಲಾ ಚಿತ್ರೀಕರಣದ ಸಂದರ್ಭದಲ್ಲಿ ಗಂಭೀರ ಸ್ವರೂಪದಲ್ಲಿ ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಹೈದರಾಬಾದ್‌ ನಲ್ಲಿ ಟಾಲಿವುಡ್‌ ನಟ ನಂದಮೂರಿ ಬಾಲಕೃಷ್ಣ (Nandamuri Balakrishna) ಅವರ ʼಎನ್‌ಬಿಕೆ 109ʼ(NBK 109) ಚಿತ್ರದ ಸಾಹಸ ದೃಶ್ಯದ ವೇಳೆ ಅವರ ಕಾಲಿಗೆ ಪೆಟ್ಟಾಗಿದ್ದು, ಅರ್ಧದಲ್ಲೇ ಶೂಟಿಂಗ್‌ ಬಿಟ್ಟು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಶೂಟಿಂಗ್‌ ಸಂದರ್ಭದಲ್ಲಿ ಅವರ ಕಾಲಿಗೆ ಏಟಾಗಿದೆ ಸದ್ಯ ನಾನು ತುಂಬಾ ನೋವಿನಲ್ಲಿದ್ದೇನೆ. ಎಲ್ಲಾ ರೀತಿಯ ಚಿಕಿತ್ಸೆಯನ್ನು ಪಡೆಯುತ್ತಿದ್ದೇನೆ ಎಂದು ಎಂದು ಊರ್ವಶಿ ಸುದ್ದಿ ಪೋರ್ಟಲ್ ವೊಂದಕ್ಕೆ ಹೇಳಿರುವುದಾಗಿ ವರದಿ ತಿಳಿಸಿದೆ.

ಬಾಬಿ ಕೊಲ್ಲಿ ನಿರ್ದೇಶನದ ʼಎನ್‌ಬಿಕೆ 109ʼ 2023ರ ನವೆಂಬರ್‌ ನಲ್ಲಿ ಸೆಟ್ಟೇರಿದೆ. ಈ ಸಿನಿಮಾದಲ್ಲಿ ಊರ್ವಶಿ ಕೂಡ ನಟಿಸಿದ್ದು, ಎಸ್.ಥಮನ್‌ ಸಂಗೀತ ಇರುವ ಈ ಚಿತ್ರದ ಟೈಟಲ್‌ ಹಾಗೂ ರಿಲೀಸ್‌ ಡೇಟ್‌ ಇನ್ನಷ್ಟೇ ಅನೌನ್ಸ್‌ ಆಗಬೇಕಿದೆ.