ಬಿಗ್ ಬಾಸ್ ಮನೆಗೆ ನಟಿ ಶುಭಾ ಪೂಂಜಾ ಜತೆ ಎಂಟ್ರಿ ಕೊಟ್ರು ಕನ್ನಡದ ನಟ…ಯಾರವರು ?

ಬೆಂಗಳೂರು : ಕಿರುತೆರೆಯ ವೀಕ್ಷಕರು ಕಾತುರದಿಂದ ಕಾಯುತ್ತಿದ್ದ ಕನ್ನಡ ಬಿಗ್ ಬಾಸ್ ನೂತನ ಸೀಸನ್ ಇಂದಿನಿಂದ (ಫೆ.28) ಶುರುವಾಗುತ್ತಿದೆ.

ನೂರು ದಿನಗಳ ವರೆಗೆ ಬಿಗ್ ಮನೆಯಲ್ಲಿ ನಡೆಯುವ ಈ ಆಟಕ್ಕೆ ಈ ಬಾರಿ 17 ಸ್ಪರ್ಧಿಗಳು ರೆಡಿಯಾಗಿದ್ದಾರೆ. ಇಂದು ಸಂಜೆ 6 ಗಂಟೆಗೆ ಸ್ಪರ್ಧಿಗಳನ್ನ ಮನೆಯೊಳಗೆ ಲಾಕ್ ಮಾಡುವ ಕಾರ್ಯ ಸುದೀಪ್ ಅವರ ನಿರೂಪಣೆಯಲ್ಲಿ ಅದ್ಧೂರಿಯಾಗಿ ನಡೆಯುತ್ತಿದೆ.

ಈ ಬಾರಿ ಬಿಗ್ ಮನೆಗೆ ಹೋಗುವ ಕಂಟೆಸ್ಟೆಂಟ್ ಯಾರು ? ಎನ್ನುವ ಕುತೂಹಲಕ್ಕೆ ಬ್ರೇಕ್ ಬಿದ್ದಿದೆ. ಸೀಸನ್ 8 ರ ಮೊದಲ ಸ್ಪರ್ಧಿಯಾಗಿ ಟಿಕ್ ಟಾಕ್ ಸ್ಟಾರ್ ಧನುಶ್ರೀ ಬಿಗ್ ಬಾಸ್ ಮನೆ ಪ್ರವೇಶಿಸಿದ್ದಾರೆ. ಮತ್ತೊಂದು ವಿಶೇಷತೆ ಏನಂದರೆ ಈ ಸೀಸನ್ ನಲ್ಲಿ ಕನ್ನಡದ ಚಿತ್ರ ನಟಿ ಶುಭಾ ಪೂಂಜಾ ಹಾಗೂ ನಟ ಶಂಕರ್ ಅಶ್ವಥ್ ಅವರೂ ಕಂಟೆಸ್ಟಂಟ್ ಗಳಾಗಿದ್ದಾರೆ.

ಮೊಗ್ಗಿನ ಮನಸು , ಚಂಡ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿರುವ ಶುಭಾ ಪೂಂಜಾ ಹಾಗೂ ಕನ್ನಡದ ಹಲವು ಚಿತ್ರಗಳಲ್ಲಿ ಪೋಷಕ ಪಾತ್ರಗಳಲ್ಲಿ ಅಭಿನಯಿಸಿರುವ ಶಂಕರ್ ಅಶ್ವಥ್ ಈ ಬಾರಿ ಬಿಗ್ ಬಾಸ್ ಕಂಟೆಸ್ಟಂಟ್ ಆಗಿರುವುದರಿಂದ ಶೋ ಮೇಲೆ ನಿರೀಕ್ಷೆ ಹೆಚ್ಚಿಸಿದೆ.