ನಟಿ ಹರ್ಷಿಕಾ ತಂದೆ ಪೂಣಚ್ಚ ನಿಧನ

ಮಡಿಕೇರಿ: ಬಹುಭಾಷಾ ನಟಿ ಕೊಡಗಿನ ಹರ್ಷಿಕಾ ಪೂಣಚ್ಚ ತಂದೆ ಉದ್ದಪಂಡ ಬಿ. ಪೂಣಚ್ಚ (74) ಅವರು ಸೋಮವಾರ ಹೃದಯಘಾತದಿಂದ ವೀರಾಜಪೇಟೆ ತಾಲೂಕಿನ ಕೊಮ್ಮೆತ್ತೋಡು ಗ್ರಾಮದ ಸ್ವಗೃಹದಲ್ಲಿ ನಿಧನಹೊಂದಿದರು. ಉದ್ದಪಂಡ ಬಿ. ಪೂಣಚ್ಚ ಅವರು ಹೃದಯ ಸಂಬಂಧಿ ಕಾಯಿಲೆಗೆ ಚಿಕಿತ್ಸೆ ಪಡೆಯುತ್ತಿದ್ದರು.

ಮೃತರ ಅಂತ್ಯ ಸಂಸ್ಕಾರದಲ್ಲಿ ಬಿಗ್‌ಬಾಸ್‌ ಖ್ಯಾತಿಯ ನಟ ಭುವನ್‌ ಪೊನ್ನಣ್ಣ, ಕೊಡವ ಸಾಹಿತ್ಯ ಅಕಾಡೆಮಿ ಮಾಜಿ ಅಧ್ಯಕ್ಷರಾದ ಯು.ಎಂ. ಪೂವಯ್ಯ, ಡಾಟಿ ಪೂವಯ್ಯ, ವಿರಾಜಪೇಟೆ ತಾಪಂ ಅಧ್ಯಕ್ಷರಾದ ಸ್ಮಿತಾ ಪ್ರಕಾಶ್‌ ಮೊದಲಾದವರು ಪಾಲ್ಗೊಂಡಿದ್ದರು. ಮೃತರು ಪತ್ನಿ ಶಾಂಭವಿ, ಪುತ್ರಿ ಹರ್ಷಿಕಾ ಪೂಣಚ್ಚ ಹಾಗೂ ಬಂಧು ಬಳಗವನ್ನು ಅಗಲಿದ್ದಾರೆ.