Sunny Deol: 56 ಕೋಟಿ ಪಾವತಿ ಮಾಡದ್ದಕ್ಕೆ ನಟ ಸನ್ನಿ ಡಿಯೋಲ್‌ ಬಂಗಲೆ ಹರಾಜು

ಮುಂಬೈ: ಬಾಲಿವುಡ್‌ ನಟ ಮತ್ತು ಲೋಕಸಭಾ ಸದಸ್ಯ ಸನ್ನಿ ಡಿಯೋಲ್‌ 56 ಕೋಟಿ ರೂ. ಸಾಲ ಬಾಕಿ ಪಾವತಿ ಮಾಡದಿರುವ ಹಿನ್ನೆಲೆಯಲ್ಲಿ ಮುಂಬೈನ ಜುಹೂದಲ್ಲಿರುವ ಅವರ ವಿಲ್ಲಾ ಹರಾಜು ಹಾಕಲಾಗುತ್ತದೆ. ಈ ಬಗ್ಗೆ ಬ್ಯಾಂಕ್‌ ಆಫ್ ಬರೋಡಾ ಆ.19ರ ಸುದ್ದಿ ಪತ್ರಿಕೆಗಳಲ್ಲಿ ಬ್ಯಾಂಕ್‌ ಪ್ರಕಟಣೆ ಹೊರಡಿಸಿದೆ.

ಅಜಯ್‌ ಸಿಂಗ್‌ ಡಿಯೋಲ್‌ ಅಲಿಯಾಸ್‌ ಸನ್ನಿ ಡಿಯೋಲ್‌ ಅವರು ನಿಗದಿತ ಸಮಯದಲ್ಲಿ ಸಾಲ ತೀರಿಸಲು ವಿಫ‌ಲವಾಗಿರುವ ಹಿನ್ನೆಲೆಯಲ್ಲಿ ಸೆ.25ರಂದು ಅವರಿಗೆ ಸೇರಿದ ವಿಲ್ಲಾದ ಇ-ಹರಾಜು ನಡೆಸಲಾಗುವುದು ಎಂದು ಬ್ಯಾಂಕ್‌ ಪ್ರಕಟಿಸಿದೆ. ನಿಯಮದ ಪ್ರಕಾರ ಸತತ 90 ದಿನಗಳು ಅಸಲು ಮತ್ತು ಬಡ್ಡಿ ಪಾವತಿಸದಿದ್ದರೆ, ಆಗ ಸಾಲವು ಅನುತ್ಪಾದಿತ ಆಸ್ತಿ ಆಗಲಿದೆ. ಅಂತಹ ಆಸ್ತಿಯ ಹರಾಜು ಹಾಕಲು ಬ್ಯಾಂಕಿಗೆ ಅಧಿಕಾರವಿರಲಿದೆ.