ನಟ ಮಹೇಶ್‌ ನಿಧನ

ಹೊಸದಿಲ್ಲಿ: 90ರ ದಶಕದ ಹಿಂದಿ ಚಿತ್ರಗಳಲ್ಲಿ ಖಳನಾಯಕನ ಪಾತ್ರ ನಿರ್ವಹಿಸಿ ಹೆಸರು ಮಾಡಿದ್ದ ಮಹೇಶ್‌ ಆನಂದ್‌ (57), ಅಂಧೇರಿಯ ತಮ್ಮ ನಿವಾಸದಲ್ಲಿ ನಿಧನರಾಗಿದ್ದಾರೆ. 

ಈ ಮನೆಯಲ್ಲಿ ಮಹೇಶ್‌ ಏಕಾಂಗಿಯಾಗಿದ್ದರು. ಮಹೇಶ್‌ ಅವರ ಮನೆಗೆಲಸದಾಕೆ ಎಂದಿನಂತೆ ಶುಕ್ರವಾರ ಮನೆಗೆ ಬಂದು ಬಾಗಿಲು ಬಡಿದಾಗ ಮಹೇಶ್‌ ಬಾಗಿಲು ತೆರೆಯಲಿಲ್ಲ. ಪೊಲೀಸರು ಬಂದು ಬಾಗಿಲು ಒಡೆದು ಒಳ ಪ್ರವೇಶಿಸಿದಾಗ ಅವರು ನಿಧನರಾಗಿರುವುದು ಬೆಳಕಿಗೆ ಬಂದಿದೆ. ಗಂಗಾ ಜಮುನಾ ಸರಸ್ವತಿ, ಶಹೆನ್‌ಶಾ, ಲಾಲ್‌ ಬಾದ್‌ಶಾ, ಕೂಲಿ ನಂ. 1 ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದ ಅವರ ಕೊನೆಯ ಚಿತ್ರ “ರಂಗೀಲ ರಾಜಾ’ ಜನವರಿಯಲ್ಲಿ ಬಿಡುಗಡೆಯಾಗಿತ್ತು.