ಕೋವಿಡ್ ಸೋಂಕಿಗೆ ನಟಿ ಅಭಿಲಾಷಾ ಪಾಟೀಲ್ ಸಾವು

ಮುಂಬೈ : ಮಹಾಮಾರಿ ಕೋವಿಡ್ ಸೋಂಕಿಗೆ ಇದೀಗ ಚಿತ್ರರಂಗದ ಮತ್ತೊಬ್ಬರು ಬಲಿಯಾಗಿದ್ದಾರೆ. ನಟಿ ಅಭಿಲಾಷಾ ಪಾಟೀಲ್ ಅವರು ಕೋವಿಡ್ -19 ನಿಂದ ಮಂಗಳವಾರ ನಿಧನರಾಗಿದ್ದಾರೆ.

ಅಭಿಲಾಷಾ ಪಾಟೀಲ್ ಜನಪ್ರಿಯ ಮರಾಠಿ ಚಲನಚಿತ್ರಗಳಾದ ತುಜಾ ಮಂಜಾ ಅರೇಂಜ್ ಮ್ಯಾರೇಜ್, ಬೇಕೊ ದೇತಾ ಕಾ ಬೈಕೊ, ಪಿಪ್ಸಿ ಮುಂತಾದವುಗಳಲ್ಲಿ ನಟಿಸಿದ್ದಾರೆ.

ಅದೇ ರೀತಿ ಹಿಂದಿ ಸಿನಿಮಾಗಳಾದ ಬದ್ರೀನಾಥ್ ಕಿ ದುಲ್ಹಾನಿಯಾ, ಗುಡ್ ನ್ಯೂಜ್, ಮತ್ತು ಚಿಚೋರೆಯಂತಹ ಅನೇಕ ಅನೇಕ ಚಿತ್ರಗಳಲ್ಲಿ ಅವರು ನಟಿಸಿದ್ದರು. ಮೃತರಿಗೆ ಪತಿ ಮತ್ತು ಮಗ ಇದ್ದಾರೆ.

ಇನ್ನು ಅಭಿಲಾಷಾ ಅವರ ನಿಧನಕ್ಕೆ ಮರಾಠಿ ಹಾಗೂ ಹಿಂದಿ ಚಿತ್ರರಂಗದ ಗಣ್ಯರು ಸಂತಾಪ ಸೂಚಿಸಿ ಟ್ವೀಟ್ ಮಾಡಿದ್ದಾರೆ.