ನದಿ ನೀರು ಹರಿದು ಎಕರೆಗಟ್ಟಲೆ ಬೆಳೆ ನಾಶ

ಕುಂದಾಪುರ: ಇಲ್ಲಿನ ಕಸ್ಬಾ ಕೋಡಿಯಲ್ಲಿ ಚಕ್ರಾ ನದಿಯ ನೀರು ಹರಿದು ವ್ಯವಸಾಯ ನಾಶವಾಗಿದೆ. ಕೋಡಿ ಹೊಳ್ಳರ ಮನೆ ಕೋಟಿ ಪೂಜಾರಿ ಅವ‌ರ ಮನೆಯ ಬಳಿ ಇರುವ ತೋಡು ಕಡಿದು ಹೋಗಿ ಚಕ್ರಾ ನದಿಯ ನೀರು ನುಗ್ಗಿ ಸುಮಾರು 20 ಕೃಷಿಕರ ಎಕರೆಗಟ್ಟಲೆ ಬೇಸಾಯ ನಾಶವಾಗಿದೆ. ಕುಂದಾಪುರ ಪುರಸಭೆ ಇದರ ಬಗ್ಗೆ ತತ್‌ಕ್ಷಣ ತುರ್ತು ಕ್ರಮಕೈಗೊಳ್ಳಬೇಕು, ತೋಡಿಗೆ ಕಟ್ಟ ಹಾಕಬೇಕು. ಒಂದೊಮ್ಮೆ ಯಾವುದೇ ರೀತಿಯ ಕ್ರಮಗಳನ್ನು ಕೈಗೊಳ್ಳದಿದ್ದರೆ ರೈತರು ಉಗ್ರ ಹೋರಾಟ ನಡೆಸುವುದಾಗಿ ಸ್ಥಳೀಯರು ಎಚ್ಚರಿಸಿದ್ದಾರೆ.