ವಿಜಯಪುರ: ಹಳ್ಳಕ್ಕೆ ಬಿದ್ದ ಲಾರಿ; ಕ್ಲೀನರ್ ಸಾವು

ವಿಜಯಪುರ: ಜಿಲ್ಲೆಯ ಮುದ್ದೇಬಿಹಾಳ ತಾಲೂಕಿನ ಅಬ್ಬಿಹಾಳ ಕ್ರಾಸ್ ಬಳಿ ಲಾರಿಯೊಂದು ಹಳ್ಳಕ್ಕೆ ಉರುಳಿ ಬಿದ್ದು ಕ್ಲೀನರ್ ಸ್ಥಳದಲ್ಲೇ ಮೃತಪಟ್ಟು, ಚಾಲಕ ಗಂಭೀರ ಸ್ವರೂಪದ ಗಾಯಗೊಂಡ ದುರಂತ ತಾಳಿಕೋಟೆ -ಮುದ್ದೇಬಿಹಾಳ ರಾಜ್ಯ ಹೆದ್ದಾರಿಯಲ್ಲಿನ ಅಬ್ಬಿಹಾಳ ಕ್ರಾಸ್ ಬಳಿ ಮಂಗಳವಾರ ರಾತ್ರಿ ಸಂಭವಿಸಿದೆ.

ಮೃತನನ್ನು ಬಾಗಲಕೋಟ ನಗರದ ಚರಂತಿಮಠ ಓಣಿ ನಿವಾಸಿ ಶಂಶುದ್ದೀನ್ ಹುಸೇನಸಾಬ ಮಲ್ಲಾಬಾದಿ(54) ಎಂದು ಗುರುತಿಸಲಾಗಿದೆ. ಕೆಎ29 ಬಿ 0144 ಸಂಖ್ಯೆಯ ಲಾರಿ ಹೈದರಾಬಾದ್‍ನಿಂದ ಬೆಳಗಾವಿ ಜಿಲ್ಲೆಯ ಯಾದವಾಡಕ್ಕೆ ಸರಕು ಸಾಗಿಸುತ್ತಿತ್ತು.

ಘಟನೆಯಲ್ಲಿ ಗಾಯಗೊಂಡ ಲಾರಿ ಚಾಲಕ ಬಾಗಲಕೋಟ ನಗರದ ಶಿರೂರ ಅಗಸಿಯ ಜೋಡಗಲ್ಲಿ ನಿವಾಸಿ ಖಾಜಾ ಅಮೀನ ಹುಸೇನಸಾಬ ಮಕಾನದಾರ ಸಣ್ಣಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

ಸ್ಥಳಕ್ಕಾಗಮಿಸಿದ ಮುದ್ದೇಬಿಹಾಳ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.