ಆ್ಯಂಬುಲೆನ್ಸ್‌ ಅಪಘಾತ: ಮೂವರಿಗೆ ಗಾಯ

ಸುಳ್ಯ: ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಮುಗಿಸಿ ಆ್ಯಂಬುಲೆನ್ಸ್‌ನಲ್ಲಿ ಮನೆಗೆ ಮರಳುತ್ತಿದ್ದಾಗ ಅಪಘಾತ ಸಂಭವಿಸಿ ಮೂವರು ಆಸ್ಪತ್ರೆಗೆ ದಾಖಲಾದ ಘಟನೆ ನಗರದ ಹಳೆಗೇಟಿನಲ್ಲಿ ಮೇ 9ರಂದು ಸಂಭವಿಸಿದೆ.

ಚಾಲಕ ಕಾರ್ತಿಕ್‌, ಪ್ರಯಾಣಿಕರಾದ ಸುರೇಶ್‌ ಮತ್ತು ಗೌತಮ್‌ ಗಾಯಗೊಂಡಿದ್ದು, ಅವರನ್ನು ಸುಳ್ಯ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ನಾಲ್ಕು ದಿನಗಳ ಹಿಂದೆ ಕೊಡಗು ಶನಿವಾರಸಂತೆಯ ಸುರೇಶ್‌ ಎಂಬವರು ವಿಷ ಸೇವಿಸಿದ್ದ ಹಿನ್ನೆಲೆಯಲ್ಲಿ ಅವರನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮೇ 9ರಂದು ಡಿಸಾcರ್ಜ್‌ ಆಗಿ ಆ್ಯಂಬುಲೆನ್ಸ್‌ನಲ್ಲಿ ಊರಿಗೆ ತೆರಳುತ್ತಿದ್ದಾಗ ಹಳೆಗೇಟು ಸಮೀಪ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ.