ಅಪಘಾತ: ಬಾಲಕನಿಗೆ 1.15 ಕೋ.ರೂ. ಪರಿಹಾರ

ಕಾಸರಗೋಡು: ವಾಹನ ಅಪಘಾತದಲ್ಲಿ ಗಂಭೀರ ಗಾಯಗೊಂಡ 5 ವರ್ಷದ ಬಾಲಕನಿಗೆ 1.15 ಕೋಟಿ ರೂ. ನಷ್ಟ ಪರಿಹಾರ ನೀಡಲು ಕಾಸರಗೋಡು ಪ್ರಿನ್ಸಿಪಲ್‌ ಮೋಟಾರ್‌ ಆ್ಯಕ್ಸಿಡೆಂಟ್‌ ಕ್ಲೈಮ್‌ ಟ್ರಿಬ್ಯುನಲ್‌ (ಎಂಎಸಿಟಿ) ತೀರ್ಪು ನೀಡಿದೆ.

ಪಳ್ಳಿಕೆರೆ ಪಾಕಂನಲ್ಲಿ ವಾಸಿಸುತ್ತಿರುವ ಮೂಲತಃ ಮುನ್ನಾಡ್‌ ಕುಂಡುಪಾರ ಹೌಸ್‌ನ ಅಜೆಯ್‌ ಕುಮಾರ್‌ ಅವರ ಪುತ್ರ ಅದ್ವಿತ್‌ಗೆ ಓರಿಯೆಂಟಲ್‌ ಇನ್ಶೂರೆನ್ಸ್‌ ಕಂಪೆನಿ ಈ ನಷ್ಟ ಪರಿಹಾರ ನೀಡಬೇಕೆಂದು ತೀರ್ಪಿನಲ್ಲಿ ತಿಳಿಸಿದೆ.

2018 ಸೆ. 24ರಂದು ಬೆಳಗ್ಗೆ 9 ಗಂಟೆಗೆ ತಂದೆ, ತಾಯಿ ಸಹಿತ ಪರಶ್ಶಿನಿಕಡವು ದೇವಸ್ಥಾನ ದರ್ಶನ ನಡೆಸಿ ಕಾರಿನಲ್ಲಿ ಹಿಂತಿರುಗುತ್ತಿದ್ದ ದಾರಿ ಮಧ್ಯೆ ಕಂದಕಕ್ಕೆ ಬಿದ್ದಿತ್ತು. ಗಾಯಗೊಂಡ ಬಾಲಕನನನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.