ಜನಿವಾರಧಾರಿ ರಾಹುಲ್‌ರಿಂದ ಮಟನ್‌ ಸ್ವೀಕಾರ: BJP ಟೀಕೆ

ನವದೆಹಲಿ: ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಯಾದವ್‌ ಅವರ ನಿವಾಸದಲ್ಲಿ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಅವರು ಸ್ವತಃ ಚಂಪರಣ್‌ ಮಟನ್‌ ತಯಾರಿಸಿ, ಎಲ್ಲರಿಗೂ ಬಡಿಸಿ, ತಾವು ಸೇವಿಸಿದ್ದಾರೆ. ಈ ವಿಡಿಯೋ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ರಾಹುಲ್‌ ಗಾಂಧಿ ಅಪ್‌ಲೋಡ್‌ ಮಾಡಿದ್ದರು. ಈ ವಿಡಿಯೋ ವೈರಲ್‌ ಆಗಿದೆ. ಆದರೆ ಇದನ್ನು ಬಿಜೆಪಿ ಟೀಕಿಸಿದೆ.

“ಶ್ರಾವಣ ಮಾಸದಲ್ಲಿ “ಜನಿವಾರಧಾರಿ ಬ್ರಾಹ್ಮಣ”ನಾಗಿರುವ ರಾಹುಲ್‌ ಗಾಂಧಿ ಮಟನ್‌ ತಯಾರಿಸಿ, ಅದನ್ನು ತಿಂದಿದ್ದಾರೆ. ಶ್ರಾವಣ ಮಾಸದಲ್ಲಿ ಹಿಂದೂಗಳು ಕಟ್ಟುನಿಟ್ಟಾಗಿ ಸಸ್ಯಹಾರವನ್ನು ಪಾಲಿಸುತ್ತಾರೆ. ಆದರೆ ಈ ಮಾಸದಲ್ಲಿ ಅವರು ಮಟನ್‌ ತಯಾರಿಸಿ, ತಿಂದಿರುವುದು ಹಿಂದೂಗಳ ಭಾವನೆಗಳಿಗೆ ನೋವುಂಟು ಮಾಡಿದೆ’ ಎಂದು ಬಿಜೆಪಿ ವಕ್ತಾರ ಸಂಬೀತ್‌ ಪಾತ್ರ ಟ್ವೀಟ್‌ ಮಾಡಿದ್ದಾರೆ.