ಅಬ್ಟಾಸ್‌ ಮುಸ್ಲಿಯಾರ್‌ಅಂತ್ಯ ಸಂಸ್ಕಾರ

ಉಳ್ಳಾಲ: ಸೋಮವಾರ ನಿಧನ ಹೊಂದಿದ ಮಂಜನಾಡಿ ಅಲ್‌ ಮದೀನಾ ಇಸ್ಲಾಮಿಕ್‌ ಕಾಂಪ್ಲೆಕ್ಸ್‌ನ ಸ್ಥಾಪಕ, ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಕ್ಷೇತ್ರದ ಸಾಧಕ, ಹಿರಿಯ ಧಾರ್ಮಿಕ ವಿದ್ವಾಂಸ ಪಿ.ಎಂ. ಅಬ್ಟಾಸ್‌ ಮುಸ್ಲಿಯಾರ್‌ (73) ಅವರ ಅಂತ್ಯ ಸಂಸ್ಕಾರ ಮಂಗಳವಾರ ಜನ ಸಾಗರದ ನಡುವೆ ನಡೆಯಿತು ಮಂಜನಾಡಿಯ ಅಲ್‌ ಮದೀನಾ ಇಸ್ಲಾಮಿಕ್‌ ಕಾಂಪ್ಲೆಕ್ಸ್‌ ಆವರಣದಲ್ಲಿ ಎ.ಪಿ. ಅಬೂಬಕರ್‌ ಮುಸ್ಲಿಯಾರ್‌ ಕಾಂತಪುರಂ ನೇತೃತ್ವದಲ್ಲಿ ಬೆಳಗ್ಗೆ ಮಯ್ಯತ್‌ ನಮಾಝ್ ನಡೆಯಿತು.

ಕಳೆದ ಕೆಲವು ಸಮಯದಿಂದ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಅಬ್ಟಾಸ್‌ ಉಸ್ತಾದ್‌ ದೇರಳಕಟ್ಟೆಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಉಸ್ತಾದ್‌ ಅವರ ಅಂತ್ಯಸಂಸ್ಕಾರದಲ್ಲಿ ಶಾಸಕ ಯು. ಟಿ ಖಾದರ್‌, ಪೆರೋಡ್‌ ಅಬ್ದುರ್ರಹ್ಮಾನ್‌ ಸಖಾಫಿ, ಆಲಿಕುಂಞಿ ಮುಸ್ಲಿಯಾರ್‌ ಶಿರಿಯಾ ಮತ್ತಿತರ ಉಲಮಾ-ಉಮರಾಗಳ ಸಹಿತ ಸಾವಿರಾರು ಶಿಷ್ಯರು, ಅಭಿಮಾನಿಗಳು, ಸಾರ್ವಜನಿಕರು ಭಾಗವಹಿಸಿದ್ದರು.