ಉಚಿತ ಎಲ್‌ಪಿಜಿಗೆ ಆಧಾರ್‌: ಗಡುವು ವಿಸ್ತರಣೆ

ಹೊಸದಿಲ್ಲಿ: ಬಡ ಕುಟುಂಬಗಳ ಮಹಿಳೆಯರು ಉಚಿತ ಅಡುಗೆ ಅನಿಲ ಸಿಲಿಂಡರ್‌ ಪಡೆಯಲು ಆಧಾರ್‌ ಗುರುತಿನ ಸಂಖ್ಯೆಯನ್ನು ಕಡ್ಡಾಯ ಮಾಡಿರುವ ಸರಕಾರ, ಅದರ ಗಡುವನ್ನು ವಿಸ್ತರಿಸಿದೆ. ಆಧಾರ್‌ ಸಂಖ್ಯೆ ಹೊಂದದೇ ಇದ್ದರೆ ಮೇ  31ರ ಒಳಗೆ ಪಡೆಯಲೇಬೇಕು ಎಂದು ಈ ಹಿಂದೆ ಹೇಳಿದ್ದ ಸರಕಾರ, ಇದೀಗ ಸೆಪ್ಟಂಬರ್‌ ಅಂತ್ಯದವರೆಗೂ ಗಡುವನ್ನು ವಿಸ್ತರಿಸಿದೆ. ಸೆ.30ರೊಳಗೆ ಆಧಾರ್‌ ಸಂಖ್ಯೆ ಪಡೆಯುವಂತೆ ಪೆಟ್ರೋಲಿಯಂ ಸಚಿವಾಲಯ ಸೂಚಿಸಿದೆ.