Advertisement
ದೇರಳಕಟ್ಟೆ ಬಗಂಬಿಲ ನಿವಾಸಿ, ಕಾರ್ಕಳದ ಖಾಸಗಿ ಕಾಲೇಜಿನ ವಿದ್ಯಾರ್ಥಿನಿ ದೀಕ್ಷಾ (20) ಇರಿತಕ್ಕೊಳಗಾದವರು. ಶಕ್ತಿನಗರ ರಾಮಶಕ್ತಿ ಮಿಷನ್‌ ಸಮೀಪದ ನಿವಾಸಿ ಸುಶಾಂತ್‌ (28) ಆರೋಪಿ. ಸಂಜೆಯ ವೇಳೆ ಯುವತಿ ರಸ್ತೆಯಲ್ಲಿ ಮನೆ ಕಡೆ ನಡೆದುಕೊಂಡು ಹೋಗುತ್ತಿದ್ದಾಗ ಈ ಘಟನೆ ನಡೆದಿದೆ.
ಸುಶಾಂತ್‌ ಸುಮಾರು 5 ಬಾರಿ ಇರಿದಾಗ ಯುವ ತಿಯು ರಸ್ತೆಯಲ್ಲೇ ಕುಸಿದು ಬಿದ್ದಳು. ಈ ಸಂದರ್ಭ ಆಸ್ಪತ್ರೆಯ ಹಿಂಬದಿಯಲ್ಲಿ ನಿಂತಿದ್ದ ಜನರು ಮತ್ತು ಆಸ್ಪತ್ರೆ ಸಿಬಂದಿ ಬೊಬ್ಬೆ ಹಾಕಿದ್ದು, ಸ್ಥಳೀಯರು ಕಲ್ಲು ಮತ್ತು ದೊಣ್ಣೆ ಹಿಡಿದು ತಿವಿಯದಂತೆ ಬೊಬ್ಬೆ ಹಾಕಿದರು. ಆಗ ಆತನು ಜನರನ್ನು ಹತ್ತಿರ ಬರದಂತೆ ಚೂರಿ ತೋರಿಸಿ ಹೆದರಿಸಿದ್ದ. ಬಳಿಕ ಕುಸಿದು ಬಿದ್ದಿದ್ದ ದೀಕ್ಷಾಳಿಗೆ ಇರಿಯುವುದನ್ನು ಮುಂದುವರಿಸಿದ್ದ.
Related Articles
Advertisement
ಸ್ಥಳಕ್ಕೆ ಕಮಿಷನರ್‌ ಸಂದೀಪ್‌ ಪಾಟೀಲ್‌, ಎಸಿಪಿ ರಾಮರಾವ್‌, ಉಳ್ಳಾಲ ಠಾಣಾಧಿಕಾರಿ ಗೋಪಿಕೃಷ್ಣ, ಕೊಣಾಜೆ ಠಾಣಾಧಿಕಾರಿ ರವೀಶ್‌ ಭೇಟಿ ನೀಡಿ ತನಿಖೆ ಆರಂಭಿಸಿದ್ದಾರೆ. ಉಳ್ಳಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಘಟನೆ ಕುರಿತ ಸಾರ್ವಜನಿಕರು ಸೆರೆ ಹಿಡಿದ ವೀಡಿಯೊ ಈಗ ವೈರಲ್ ಆಗಿದೆ.
ನೃತ್ಯಪಟುವಾಗಿದ್ದ ಸುಶಾಂತ್ನೃತ್ಯಪಟುವಾಗಿದ್ದ ಸುಶಾಂತ್‌ ದೀಕ್ಷಾಳಿಗೆ ಸುಮಾರು 6 ವರ್ಷಗಳಿಂದ ಪರಿಚಿತನಾಗಿದ್ದ. ಅಲೋಶಿಯಸ್‌ ಕಾಲೇಜಿನಿಂದಲೇ ಪರಿಚಿತನಾಗಿದ್ದ ಈತ ದೀಕ್ಷಾಳನ್ನು ಪ್ರೀತಿಸುತ್ತಿದ್ದ ಎನ್ನಲಾಗಿದೆ. ದೀಕ್ಷಾಳೂ ನೃತ್ಯ ತರಬೇತಿ ಪಡೆಯುತ್ತಿದ್ದು, ಈಕೆಯೊಂದಿಗೆ ಸಲುಗೆಯಿಂದ ಇದ್ದನಂತೆ. ಕೆಲವು ತಿಂಗಳಿನಿಂದ ದೀಕ್ಷಾ ಸುಶಾಂತ್‌ನಿಂದ ಅಂತರ ಕಾಯ್ದುಕೊಂಡಿದ್ದು, ಸ್ನಾತಕೋತ್ತರ ಪದವಿಗೆ ಕಾರ್ಕಳದಲ್ಲಿ ಸೇರಿದ ಬಳಿಕ ಈತ ಕಾರ್ಕಳದಲ್ಲಿ ಕಾಲೇಜಿನ ಪಕ್ಕ ಬಂದು ದೀಕ್ಷಾಳಿಗೆ ತೊಂದರೆ ನೀಡಿದ್ದ. ಈ ಕಾರಣಕ್ಕೆ ಆತನ ಮೇಲೆ ಅಲ್ಲಿನ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಇರಿತಕ್ಕೆ ಸ್ಪಷ್ಟ ಕಾರಣ ತಿಳಿದು ಬಂದಿಲ್ಲ.