ಶ್ರೀರಾಮ, ಸೀತೆ, ಲಕ್ಷ್ಮಣರು ವನವಾಸದಲ್ಲಿದ್ದ ವೇಳೆ, ಪಂಚವಟಿಯಲ್ಲಿ ಸಂಭವಿಸಿದ ಸಂಪೂರ್ಣ ಸೂರ್ಯ ಗ್ರಹಣದ ವಿವರ ಇಂದಿಗೂ ಖಗೋಳ ವಿಜ್ಞಾನದ ಲೆಕ್ಕಾಚಾರಕ್ಕೆ ಒಂದು ಆಧಾರ. ಅಂದು ಮಧ್ಯಾಹ್ನದ ವೇಳೆಯಲ್ಲಿ ಕಾಣುತ್ತಿದ್ದ ಅಪರೂಪದ ಗ್ರಹಗಳ ವಿವರವನ್ನು ವಾಲ್ಮೀಕಿಗಳು ಹೀಗೆ ಕೊಡುತ್ತಾರೆ: “ರಾಮನೊಂದಿಗೆ ಯುದ್ಧ ಮಾಡಲು ಖರ ತನ್ನ ಸೈನ್ಯವನ್ನು ತಂದಾಗ, ಸಂಧ್ಯಾಕಾಲದ ಕೆಂಪುವರ್ಣವು ಎಲ್ಲೆಡೆ ಹರಡುತ್ತಲಿತ್ತು’; “ಕೆಂಪು ವರ್ಣದ ಮೂಲೆಗಳಿದ್ದ ಕಪ್ಪು ವರ್ಣದ ಚಕ್ರದಿಂದ ಸೂರ್ಯ ಮರೆಯಾಗಿದ್ದ, ಹಗಲಿನ ಸಮಯವಾಗಿದ್ದರೂ, ಸಂಧ್ಯಾಕಾಲದಂತೆ ತೋರತೊಡಗಿತು’; “ಸೂರ್ಯನು ರಾಹುಗ್ರಸ್ತನಾಗಿದ್ದ ರಿಂದ ತನ್ನ ಬೆಳಕನ್ನೂ ಹಾಗೂ ಪ್ರಖರತೆಯನ್ನೂ ಕಳೆದುಕೊಂಡಿದ್ದ’; “ಪಶುಪಕ್ಷಿಗಳು ರಾತ್ರಿಯಾದಂತೆ ಶಬ್ದ ಮಾಡುತ್ತಿದ್ದವು’ - ಇವೆಲ್ಲವೂ ಸತ್ಯ ಸಂಗತಿ ಎನ್ನುವುದು ಈಗ ಪ್ಲಾನೆಟೋರಿಯಂ ತಂತ್ರಾಂಶದ ಸಹಾಯದಿಂದ ನಡೆದಿರುವ ಸಂಶೋಧನೆಯಿಂದ ಸಿದ್ಧವಾಗಿದೆ.
