Uppunda; ಕೆಲಸಕ್ಕೆಂದು ಹೋದ ವ್ಯಕ್ತಿ ನಾಪತ್ತೆ

ಉಪ್ಪುಂದ: ಕೆಲಸಕ್ಕೆ ಹೋಗುವುದಾಗಿ ಹೇಳಿ ಹೋಗಿದ್ದ ವ್ಯಕ್ತಿ ಕೆಲಸಕ್ಕೂ ಹೋಗದೆ ಮನೆಗೂ ಬಾರದೆ ನಾಪತ್ತೆಯಾಗಿದ ಘಟನೆ ನಡೆದಿದೆ.

ಯೆಳಜಿತ್‌ ಗ್ರಾಮದ ಅರೆಹೊಳೆ ಎಣ್ಣೆಮಕ್ಕಿ ನಿವಾಸಿ ಸೀತಾರಾಮ (40) ನಾಪತ್ತೆಯಾದವರು. ಪರಿಚಯದ ನಾಗರಾಜ ಆಚಾರಿ ಎಂಬವರ ಬಳಿ ಕೆಲಸಕ್ಕೆ ಹೋಗುವುದಾಗಿ ಹೇಳಿ ಹೋಗಿದ್ದರು. ಮನೆಯವರು ನಾಗರಾಜ ಅವರಿಗೆ ಕರೆ ಮಾಡಿ‌ ಸೀತಾರಾಮನ ಕುರಿತು ವಿಚಾರಿಸಿದ್ದಾರೆ.  ಈ ಸಂದರ್ಭ ಸೀತಾರಾಮ ಕೆಲಸಕ್ಕೆ ಹೋಗದೇ ಇದ್ದುದು ತಿಳಿದುಬಂದಿದೆ.ಆ ಬಳಿಕ ಸೀತಾರಾಮ ಅವರಿಗೆ ಕರೆ ಮಾಡಿದಾಗ ಫೋನ್ ಸ್ವಿಚ್‌ ಆಫ್‌ ಆಗಿತ್ತು.

ಸದ್ಯ ಈ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.