ಕಾಣೆಯಾದ ಭಾರತೀಯ ಬಾಲಕಿ ಶವವಾಗಿ ಪತ್ತೆ?

ಹ್ಯೂಸ್ಟನ್‌: ಅಮೆರಿಕದ ಟೆಕ್ಸಾಸ್‌ನ ರಿಚರ್ಡ್‌ಸನ್‌ ನಗರದ ಕಾಲುವೆಯೊಂದರಲ್ಲಿ 3 ವರ್ಷ ವಯಸ್ಸಿನ ಬಾಲಕಿಯ ಮೃತದೇಹವೊಂದು ಪತ್ತೆಯಾಗಿದ್ದು, ಇದು 2 ವಾರಗಳ ಹಿಂದೆ ಕಾಣೆಯಾದ ಭಾರತೀಯ ಮೂಲದ ಮಗು ಶೆರಿನ್‌ ಮ್ಯಾಥ್ಯೂಸ್‌ಳನ್ನು ಹೋಲುತ್ತದೆ ಎಂದು ಪೊಲೀಸರು ಹೇಳಿದ್ದಾರೆ.

ಕೇರಳ ಮೂಲದ ದಂಪತಿ ಎನ್‌ಜಿಒವೊಂದರಿಂದ ಶೆರಿನ್‌ ಎಂಬ ಮಗುವನ್ನು ದತ್ತು ಪಡೆದಿದ್ದರು. ಮಗು ಹಾಲು ಕುಡಿಯಲಿಲ್ಲ ಎಂಬ ಕಾರಣಕ್ಕೆ ಆಕೆಯ ತಂದೆ ಮಗುವನ್ನು ಮನೆಯ ಹೊರಗೆ ನಿಲ್ಲಿಸಿದ್ದರು. ತದನಂತರ ಮಗು ನಾಪತ್ತೆಯಾಗಿತ್ತು. ಶಿರಿನ್‌ಗೆ ಸಂವಹನ ಹಾಗೂ ಬೆಳವಣಿಗೆ ಸಮಸ್ಯೆ ಇತ್ತು ಎಂದು ಪೊಲೀ ಸರು ಹೇಳಿದ್ದಾರೆ. ಇದೀಗ ಪತ್ತೆಯಾಗಿರುವ ಮೃತದೇಹವು ಶಿರಿನ್‌ಳದ್ದೇ ಎಂಬುದು ದೃಢವಾಗಿಲ್ಲ. ಮರಣೋತ್ತರ ಪರೀಕ್ಷೆ ಬಳಿಕ ಹೆಚ್ಚಿನ ಮಾಹಿತಿ ದೊರೆಯಲಿದೆ.