ಆಹಾ.. ಕತ್ತೆ ಹಾಡು ಕೇಳಿ ನೋಡಿ!

ಸೌತ್‌ ಕೆರೋಲಿನಾ: ಕೆಟ್ಟದ್ದಾಗಿ ಹಾಡಿದರೆ, ಲೋ.. ಕತ್ತೆ ಹಾಡಿದಂತೆ ಇದೆ ಎಂದು ತಮಾಷೆ ಮಾಡುವುದಿದೆ. ಕೀರಲು ಧ್ವನಿಯಲ್ಲಿ ಕತ್ತೆ ಅರಚುವುದಕ್ಕೇ ಹೀಗೆ ಹೇಳುವುದಿದೆ. ಆದರೆ ನಿಜಕ್ಕೂ ಕತ್ತೆ ಹಾಡುತ್ತಿದ್ದರೆ! ಕೇಳುವುದೇ ಕಷ್ಟವೇನೋ?

ಇಲ್ಲೊಂದು ಪ್ರಸಂಗದಲ್ಲಿ ಕತ್ತೆಯೊಂದು ಮಾಲೀಕನೊಂದಿಗೆ ಹಾಡು ಹಾಡುತ್ತದೆ. ಹೀಗೆ ಕತ್ತೆ ಮಾಲೀಕ ಮತ್ತು ಕತ್ತೆಯ ಡ್ಯುಯೆಟ್‌ ಫ‌ುಲ್‌ ವೈರಲ್‌ ಆಗಿದೆ.

ಗಟ್ಟಿಯಾಗಿ ಹಾಡಲು ತೊಡಗಿದಾಗ, ಕತ್ತೆಯೂ ಅದಕ್ಕೆ ತಕ್ಕಂತೆ ಅರಚುತ್ತಿದ್ದುದನ್ನು ನೋಡಿ, ಟ್ರಾವಿಸ್‌ ಕಿನ್ಲ ಎಂಬುವವರು ವೀಡಿಯೋ ಮಾಡಿದ್ದಾರೆ. ಈ ವೀಡಿಯೋವನ್ನು ಅವರ ಫೇಸ್‌ಬುಕ್‌ಗೆ ಹರಿಯಬಿಟ್ಟಿದ್ದು, 36 ಲಕ್ಷಕ್ಕೂ ಹೆಚ್ಚು ಜನ ನೋಡಿದ್ದಾರೆ.