ವೈರಲ್ ವಿಡಿಯೋ: ಧೋನಿಯ ಹೊಸ ಆರ್ಮಿ ಕಾರಿನ ಜೊತೆ ಮಗಳು ಜಿವಾ ಮಾಡಿದ್ದೇನು?

ರಾಂಚಿ: ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಇತ್ತೀಚೆಗೆ ಹೊಸ ಆರ್ಮಿ ಕಾರು ಖರೀದಿಸಿದ್ದು ನಿಮಗೆ ಗೊತ್ತೇ ಇದೆ. ಈಗ ಅದೇ ಕಾರಿನಲ್ಲಿ ಮಗಳು ಜಿವಾ ಮಾಡಿದ ತುಂಟಾಟ ಗಮನ ಸೆಳೆದಿದೆ.

ಸದ್ಯ ವಿಶ್ರಾಂತಿಯಲ್ಲಿರುವ ಧೋನಿ ರಾಂಚಿಯ ತಮ್ಮ ಮನೆಯಲ್ಲಿದ್ದಾರೆ. ಹೊಸದಾಗಿ ಖರೀದಿಸಿರುವ ಆರ್ಮಿ ಕಾರನ್ನು ಮನೆಯಲ್ಲಿ ತೊಳೆಯುತ್ತಿದ್ದಾಗ ಮಗಳು ಜಿವಾ ತಂದೆಗೆ ಸಹಾಯ ಮಾಡಿದ್ದು ಈ ವಿಡಿಯೋ ಈಗ ವೈರಲ್ ಆಗಿದೆ.

ತಮ್ಮ ಇನ್ಸ್ಟಾ ಗ್ರಾಂ ನಲ್ಲಿ ಧೋನಿ ಈ ವಿಡಿಯೋ ಅಪ್ಲೋಡ್ ಮಾಡಿದ್ದು, ಸಣ್ಣ ಸಹಾಯಗಳು ಯಾವಾಗಲೂ ತುಂಬಾ ವಿಶೇಷವಾಗಿರುತ್ತದೆ. ಅದರಲ್ಲೂ ದೊಡ್ಡ ವಾಹನವನ್ನು ಸ್ವಚ್ಛಗೊಳಿಸುವಾಗ ಎಂದು ಮಾಹಿ ಬರೆದುಕೊಂಡಿದ್ದಾರೆ.

ಹೊಸ ಕಾರು ನಿಸಾನ್ ಜೊಂಗಾದಲ್ಲೇ ಮಾಹಿ ಇತ್ತೀಚೆಗೆ ರಾಂಚಿ ಸ್ಟೇಡಿಯಂಗೆ ಆಗಮಿಸಿದ್ದರು.

ಈ ನಿಸಾನ್ ಜೊಂಗಾ ಕಾರು ಈ ಮೊದಲು ಭಾರತೀಯ ಸೇನೆಯಲ್ಲಿ ಬಳಕೆಯಾಗಿತ್ತು. ಇದನ್ನು ಧೋನಿ ಖರೀದಿಸಿದ್ದರು.