ಹೆಬ್ರಿ ಮೂರು ರಸ್ತೆಯ ಬಳಿ ಅಪಾಯಕಾರಿ ವಿದ್ಯುತ್‌ ಕಂಬ

ಹೆಬ್ರಿ: ಇಲ್ಲಿನ ಮೂರು ರಸ್ತೆ ಬಳಿಯ ಸರ್ಕಲ್ನಲ್ಲಿರುವ ವಿದ್ಯುತ್‌ ಕಂಬದ ಮೇಲ್ಭಾಗ ತುಂಡಾಗಿದ್ದು ಅಪಾಯಕಾರಿಯಾಗಿದೆ.

ದಿನನಿತ್ಯ ನೂರಾರು ವಿದ್ಯಾರ್ಥಿಗಳು, ಸಾರ್ವಜನಿಕರು ಇದೇ ದಾರಿಯಲ್ಲಿ ಸಂಚರಿಸುತ್ತಾರೆ. ಸುತ್ತಮುತ್ತ ಅಂಗಡಿ ಮುಂಗಟ್ಟುಗಳು, ರಿಕ್ಷಾ ತಂಗುದಾಣಗಳಿವೆ. ಜನರ ಓಡಾಟ ಪ್ರದೇಶವಾದ್ದರಿಂದ ಗಾಳಿ ಮಳೆ ಸಂದರ್ಭದಲ್ಲಿ ಕಂಬ ಮುರಿದು ಬಿದ್ದಲ್ಲಿ ದೊಡ್ಡ ಅವಘಡ ಸಂಭವಿಸುವ ಸಾಧ್ಯತೆ ಇದೆ ಎಂಬುದು ಸ್ಥಳೀಯ ನಿವಾಸಿಗಳ ಆತಂಕವಾಗಿದೆ.

ವರ್ಷದಿಂದ ಹೀಗೆ

ಕಳೆದ ಒಂದು ವರ್ಷದಿಂದ ಕಂಬ ಇದೇ ಸ್ಥಿತಿಯಲ್ಲಿದೆ. ಸ್ಥಳೀಯರು ಈ ಬಗ್ಗೆ ಪಂಚಾಯತ್‌ ಹಾಗೂ ಮೆಸ್ಕಾಂ ಅಧಿಕಾರಿಗಳಿಗೆೆ ತಿಳಿಸಿದ್ದರೂ ಇನ್ನೂ ಕಂಬ ಬದಲಾಯಿಸಿಲ್ಲ.

ಆತಂಕದ ಮಧ್ಯೆ ಸಂಚಾರ

ಕಂಬದಲ್ಲಿ ಎಚ್ಟಿ ಲೈನ್‌ ಹಾದುಹೋಗಿದ್ದು, ಸುತ್ತ ಮುತ್ತಲಿನ ನಿವಾಸಿಗಳು, ವಾಹನ ಸವಾರರು ಭೀತಿ ಯಿಂದಲೇ ದಿನ ಕಳೆಯುವಂತಾಗಿದ್ದು, ಅಪಾಯದ ಮುನ್ನ ಇಲಾಖೆ ಎಚ್ಚೆತ್ತುಕೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.

ಮೆಸ್ಕಾಂ ನಿರ್ಲಕ್ಷ್ಯ