ಬೀಳುವ ಹಂತದಲ್ಲಿ ರಸ್ತೆ ಬದಿಯ ಅಪಾಯಕಾರಿ ಒಣಕಲು ಮರ 

ಕಿನ್ನಿಗೋಳಿ : ಕಿನ್ನಿಗೋಳಿ- ಮೂಲ್ಕಿ ರಾಜ್ಯ ಹೆದ್ದಾರಿಯ ಪಕ್ಕದಲ್ಲಿ ಪುನರೂರು, ಎಸ್‌. ಕೋಡಿಯಲ್ಲಿ ಹಳೆಯ ಕಾಲದ ಮರಗಳು ಒಣಗಿದ್ದು, ಬೀಳುವ ಸ್ಥಿತಿಯಲ್ಲಿವೆ. ಆರು ತಿಂಗಳಿನಲ್ಲಿ ಮೂರು ಒಣಗಿದ ಮರಗಳು ಹೆದ್ದಾರಿಗೆ ಬಿದ್ದಿದೆ. ಈ ಬಗ್ಗೆ ಸಮಾಜ ಸೇವಾ ಕಾರ್ಯಕರ್ತ ರಾಜೇಶ್‌ ಕೆಂಚನಕೆರೆ ಅವರು ಇಲಾಖೆಗೆ ಮನವಿ ಮಾಡಿದ್ದರು. ಆದರೆ ಯಾವುದೇ ಪ್ರಯೋಜನವಾಗಿಲ್ಲ.

ದಿಢೀರನೇ ಮರಗಳು ಬಿದ್ದರೆ ಹೆದ್ದಾರಿಯಲ್ಲಿ ಸಾಗುವ ವಾಹನ, ಪ್ರಯಾಣಿಕರಿಗೆ ಅಪಾಯ ತಂದೊಡ್ಡುವ ಸಾಧ್ಯತೆ ಇದೆ. ವಿದ್ಯುತ್‌ ತಂತಿಗಳಿಗೆ ಬಿದ್ದರೆ ಅಪಾರ ಹಾನಿಯಾಗುವ ಸಂಭವವೂ ಇದೆ. ಈಗಾಗಲೇ ಇಲ್ಲಿ ಬಿದ್ದ ಮರಗಳಿಂದ ಮೆಸ್ಕಾಂ ಇಲಾಖೆಗೆ 2 ಲಕ್ಷ ರೂ. ಅಧಿಕ ನಷ್ಟ ಉಂಟಾಗಿದೆ. 

ಮನವಿ ಬಂದಿದೆ
ಅಪಾಯದ ಹಾಗೂ ಒಣಗಿದ ಮರಗಳನ್ನು ಕಡಿಯಬೇಕು ಎಂಬ ಮನವಿ ಬಂದಿದೆ. ಮೇಲಾಧಿಕಾರಿಗಳಿಂದ ಅನುಮತಿ ಸಿಕ್ಕರೆ ಕ್ರಮ ಕೈಗೊಳ್ಳಲಾಗುವುದು.
 - ಮ್ಯಾಥ್ಯು, ಅರಣ್ಯಾಧಿಕಾರಿ,
    ಕಿನ್ನಿಗೋಳಿ ವಲಯದ