Uppala ಮುಂದಕ್ಕೆ ಚಲಾಯಿಸಿದ ಕಾರನಡಿಗೆ ಬಿದ್ದು ಮಗು ಸಾವು

ಉಪ್ಪಳ: ಶೆಡ್‌ನಿಂದ ಕಾರನ್ನು ಮುಂದಕ್ಕೆ ತೆಗೆಯುತ್ತಿದ್ದಾಗ ಕಾರಿನಡಿಗೆ ಬಿದ್ದು ಒಂದೂವರೆ ವರ್ಷದ ಮಗು ಸಾವಿಗೀಡಾದ ಘಟನೆ ನಡೆದಿದೆ.

ಸೋಂಕಾಲು ಕೊಡಂಗೆ ರಸ್ತೆಯ ಕೊಡಂಬೈಲು ನಿವಾಸಿ, ಕೊಲ್ಲಿ ಉದ್ಯೋಗಿಯಾಗಿರುವ ನಿಜಾರ್‌ ಅವರ ಪುತ್ರ ಮಸ್ತುಲ್‌ ಜಾಸಿದ್‌ ಸಾವಿಗೀಡಾದ ಮಗು.

ಮಗುವಿನ ಚಿಕ್ಕಪ್ಪ ಮನೆಯ ಶೆಡ್‌ನಿಂದ ಕಾರನ್ನು ಮುಂದಕ್ಕೆ ತೆಗೆಯುತ್ತಿದ್ದಾಗ ಮುಂಬದಿಯಲ್ಲಿ ಮಗು ನಿಂತು ಕೊಂಡಿರುವುದು ತಿಳಿಯದೆ ಈ ದುರಂತ ಸಂಭವಿಸಿತು. ಗಂಭೀರ ಗಾಯಗೊಂಡ ಮಗುವನ್ನು ತತ್‌ಕ್ಷಣ ಮಂಗಳೂರಿನ ಆಸ್ಪತ್ರೆಗೆ ಸಾಗಿಸಿದರೂ ರಕ್ಷಿಸಲು ಸಾಧ್ಯವಾಗಲಿಲ್ಲ. ಮಂಜೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.