Majoor: ರಿಕ್ಷಾಕ್ಕೆ ಕಾರು ಢಿಕ್ಕಿ; ನಾಲ್ವರಿಗೆ ಗಾಯ

ಕಾಪು: ರಿಕ್ಷಾಕ್ಕೆ ಕಾರು ಢಿಕ್ಕಿ ಹೊಡೆದು ಚಾಲಕನ ಸಹಿತ ನಾಲ್ವರು ಗಾಯಗೊಂಡ ಘಟನೆ ಮಜೂರಿನಲ್ಲಿ ಮಾ. 6ರಂದು ನಡೆದಿದೆ.

ರಿಕ್ಷಾ ಚಾಲಕ ಉಂಝ, ಪದ್ಮಾವತಿ, ಪಾದೂರಿನ ಸಾದಿಕ್‌, ಜಯ ಗಾಯಾಳುಗಳು.

ಮಜೂರು ಬಸ್‌ ನಿಲ್ದಾಣದ ಬಳಿ ಬಸ್ಸಿಗಾಗಿ ಕಾಯುತ್ತಿದ್ದ ಜಯ, ಪದ್ಮಾವತಿ ಮತ್ತು ಸಾದಿಕ್‌ ಪಾದೂರು ಎಂಬವರು ಮಲ್ಲಾರು ಕಡೆಯಿಂದ ಬಂದ ಉಂಝ ಎಂಬವರ ರಿಕ್ಷಾದಲ್ಲಿ ಕಾಪುವಿನ ಕಡೆಗೆ ತೆರಳುತ್ತಿದ್ದಾಗ ಕಾರು ಢಿಕ್ಕಿ ಹೊಡೆದಿದ್ದು, ಈ ವೇಳೆ ರಿಕ್ಷಾ ಕವುಚಿ ಬಿದ್ದು ರಿಕ್ಷಾ ಚಾಲಕ ಸೇರಿದಂತೆ ನಾಲ್ವರು ಗಾಯಗೊಂಡಿದ್ದಾರೆ.

ಗಾಯಾಳುಗಳನ್ನು ಸ್ಥಳೀಯರು ಉಪಚರಿಸಿ ಚಿಕಿತ್ಸೆಗಾಗಿ ಉಡುಪಿಯ ಆಸ್ಪತ್ರೆಗಳಿಗೆ ದಾಖಲು ಮಾಡಿದ್ದು, ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.