ಇತಿಹಾಸ ಪುಸ್ತಕ ಬರೆದ 10ರ ಬಾಲಕ

ಹೊಸದಿಲ್ಲಿ: ಬೆಂಗಳೂರಿನ 10ರ ಹರೆಯದ ಬಾಲಕ ಜ್ಯಾಕ್‌ ಸಂಗೀತ್‌ ಇತಿಹಾಸದ ಬಗ್ಗೆ ಪುಸ್ತಕ ಬರೆದಿದ್ದಾನೆ. “ವರ್ಲ್ಡ್ ಹಿಸ್ಟರಿ ಇನ್‌ 3 ಪಾಯಿಂಟ್ಸ್‌’ ಹೆಸರಿನ ಪುಸ್ತಕದಲ್ಲಿ ವಿಶ್ವದ ಇತಿಹಾಸವನ್ನು ಅತ್ಯಂತ ಸರಳವಾಗಿ ದಾಖಲಿಸಿರುವುದಾಗಿ ಹ್ಯಾಚೆಟ್‌ ಇಂಡಿಯಾ ಪ್ರಕಾಶಕ ಸಂಸ್ಥೆ ತಿಳಿಸಿದೆ.

ಪುಸ್ತಕದಲ್ಲಿ 101 ವಿಚಾರಗಳನ್ನು ಅತ್ಯಂತ ಸರಳವಾಗಿ ತಲಾ ಮೂರು ಪಾಯಿಂಟ್ಸ್‌ಗಳಲ್ಲಿ ವಿವರಿಸಲಾಗಿದೆ.

ಈ ಪುಸ್ತಕದಲ್ಲಿ ಅಲೆಕ್ಸಾಂಡರ್‌ನಿಂದ ಹಿಡಿದು ಅಶೋಕನವರೆಗೆ, ಪುರಾತನ ಈಜಿಪ್ಟ್, ಚೀನ, ಡಾರ್ಕ್‌ ಏಜಸ್‌ ಹೀಗೆ ಎಲ್ಲ ವಿಚಾರಗಳ ಬಗ್ಗೆಯೂ ದಾಖಲಿಸಲಾಗಿದೆ.