Maharashtra: ಓಲಾ-ಉಬರ್‌ಗೆ ಮಹಾ ಕಡಿವಾಣ

ಮುಂಬಯಿ: ಟ್ಯಾಕ್ಸಿ ಸೇವಾ ಸಂಸ್ಥೆಗಳಾದ ಓಲಾ ಮತ್ತು ಉಬರ್‌ಗಳ ಮೇಲೆ ಮಹಾರಾಷ್ಟ್ರ ಸರಕಾರ ನಿಯಂತ್ರಣ ಹೇರಿದೆ. ಇನ್ನು ಮುಂದೆ ಗ್ರಾಹಕರು ಟ್ಯಾಕ್ಸಿ ಬುಕ್‌ ಮಾಡಿದಾಗ, ಚಾಲಕ ಅದನ್ನು ಅನುಮತಿಸಿ, ಬಳಿಕ ಆತನೇ ರದ್ದುಗೊಳಿಸಿದರೆ ಗ್ರಾಹಕರಿಗೆ ಪರಿಹಾರ ನೀಡಬೇಕು ಎಂದು ಸಾರಿಗೆ ಸಮಿತಿ ಶಿಫಾರಸು ಮಾಡಿದೆ.

ಇತ್ತೀಚಿನ ದಿನಗಳಲ್ಲಿ ಟ್ಯಾಕ್ಸಿಗಳಿಗೆ ಕಾದುಕಾದು ಬಳಿಕ ಬುಕ್‌ ಆದ ಮೇಲೂ ಚಾಲಕರು ಅವುಗಳನ್ನು ರದ್ದುಗೊಳಿಸಿ, ಗ್ರಾಹಕರ ಸಮಯ ವ್ಯರ್ಥ ಮಾಡುತ್ತಿರುವ ಬಗ್ಗೆ ದೂರುಗಳು ಹೆಚ್ಚಿತ್ತು. ಗ್ರಾಹಕರು ಟ್ರಿಪ್‌ ರದ್ದು ಮಾಡಿದರೆ, ಅವರಿಗೆ ದಂಡ ಹಾಕಲಾಗುತ್ತಿತ್ತು. ಈ ಕುರಿತ ಪರಿಶೀಲನೆಗೆ ಸರಕಾರ ಸಮಿತಿ ರಚಿಸಿತ್ತು. ಇದೀಗ ಸಮಿತಿಯು ಟ್ರಿಪ್‌ ಅನುಮತಿಸಿದ ಬಳಿಕ ಚಾಲಕ ಅದನ್ನು ರದ್ದು ಮಾಡಿದರೆ, ಆತನಿಗೆ ದಂಡ ವಿಧಿಸಿ ಆ ಹಣವನ್ನು ಗ್ರಾಹಕರಿಗೆ ಸಂಸ್ಥೆ ನೀಡಬೇಕು ಎಂದಿದೆ. ಅಲ್ಲದೇ 20 ನಿಮಿಷದೊಳಗೆ ಟ್ಯಾಕ್ಸಿ ಪಿಕಪ್‌ ಪಾಯಿಂಟ್‌ ತಲುಪಬೇಕು ಎಂದು ಶಿಫಾರಸು ಮಾಡಿದೆ.