Chikkaballapur: 75 ಹರೆಯದ ವ್ಯಕ್ತಿಗೆ 35ರ ಮಹಿಳೆಯೊಂದಿಗೆ ವಿವಾಹ

ಚಿಕ್ಕಬಳ್ಳಾಪುರ: ಸ್ಥಿತಿವಂತನಾದರೂ ಬದುಕಿನ ಸಂಧ್ಯಾ ಕಾಲದಲ್ಲಿ ತನ್ನ ಯೋಗ ಕ್ಷೇಮ ನೋಡಿ ಕೊಳ್ಳುವವರಿಲ್ಲ ಎಂದು 75 ಹರೆಯದ ವ್ಯಕ್ತಿ 35 ವರ್ಷದ ಮಹಿಳೆಯನ್ನು ಮದುವೆ ಮಾಡಿಕೊಂಡಿರುವ ಅಪರೂಪದ ಘಟನೆ ಜಿಲ್ಲೆಯ ಶಿಡ್ಲಘಟ್ಟ ತಾಲೂಕಿನ ಮೇಲೂರು ಗ್ರಾಮದಲ್ಲಿ ಶನಿವಾರ ನಡೆದಿದೆ.

ಈರಣ್ಣ (75 )ಹಾಗೂ ಅನುಶ್ರೀ (35) ಸಪ್ತಪದಿ ತುಳಿದವರು. ಈರಣ್ಣಗೆ ಈ ಮೊದಲು ಮದುವೆ ಆಗಿ ಓರ್ವ ಪುತ್ರ ಹಾಗೂ ಪುತ್ರಿ ಇದ್ದು, ಪತ್ನಿ ಗತಿಸಿದ್ದಾರೆ. ಮಕ್ಕಳು ಸರಿಯಾಗಿ ನೋಡಿಕೊಳ್ಳುತ್ತಿಲ್ಲ ಎಂಬ ಕೊರಗು ಅವರಲ್ಲಿತ್ತು. ಅನುಶ್ರೀ ಈ ಹಿಂದೆ ಪ್ರೀತಿಸಿ ಮದುವೆಯಾಗಿದ್ದು, 6 ವರ್ಷದ ಮಗನಿದ್ದಾನೆ. ಆಕೆ ಗಂಡನೂ ಬಿಟ್ಟಿದ್ದ. ಅನುಶ್ರೀ ಮೂಲತಃ ಮಹಾರಾಷ್ಟ್ರದ ಸೊಲ್ಲಾಪುರದವರು.