ಎರಡು ಕಾಪ್ಟರ್‌ ಗಳ ಡಿಕ್ಕಿ: 9 ಅಮೆರಿಕ ಯೋಧರ ಸಾವು

ವಾಷಿಂಗ್ಟನ್‌: ಅಮೆರಿಕ ಸೇನೆಯ ಎರಡು ಹೆಲಿಕಾಪ್ಟರ್‌ಗಳ ನಡುವೆ ಡಿಕ್ಕಿ ಸಂಭವಿಸಿ, 9 ಮಂದಿ ಯೋಧರು ಮೃತಪಟ್ಟಿದ್ದಾರೆ.

ಅಮೆರಿಕದ ಫೋರ್ಟ್‌ ಕ್ಯಾಂಪ್‌ಬೆಲ್‌ನ ನೈರುತ್ಯ ಕೆಂಟುಕಿಯಲ್ಲಿ ಸೇನೆಯ 2 ಎಚ್‌ಎಚ್‌-60 ಬ್ಲ್ಯಾಕ್‌ ಹಾಕ್‌ ಹೆಲಿಕಾಪ್ಟರ್‌ಗಳ ಸಿಬ್ಬಂದಿಯು ಬುಧವಾರ ರಾತ್ರಿ ನಿತ್ಯದ ತರಬೇತಿಯಲ್ಲಿದ್ದರು.

ಫೋರ್ಟ್‌ ಕ್ಯಾಂಪ್‌ಬೆಲ್‌ನ ವಾಯುವ್ಯಕ್ಕೆ 48 ಕಿ.ಮೀ. ದೂರದಲ್ಲಿ ರಾತ್ರಿ 10 ಗಂಟೆಗೆ ಎರಡು ಹೆಲಿಕಾಪ್ಟರ್‌ಗಳ ನಡುವೆ ಡಿಕ್ಕಿ ಸಂಭವಿಸಿದೆ. ಮಡಿದ 9 ಮಂದಿ ಯೋಧರ ಕುಟುಂಬಕ್ಕೆ ಮಾಹಿತಿ ರವಾನಿಸಿದ್ದು, ಮೃತದೇಹಗಳ ಹಸ್ತಾಂತರಕ್ಕೆ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಸೇನೆ ತಿಳಿಸಿದೆ.