ದಿಲ್ಲಿ : ವೃದ್ಧೆ, 3 ಪುತ್ರಿಯರು, ಸೆಕ್ಯುರಿಟಿ ಗಾರ್ಡ್‌ ಕಗ್ಗೊಲೆ

ಹೊಸದಿಲ್ಲಿ : ಇಂದು ಬೆಳಗ್ಗೆ ಇಲ್ಲಿನ ಶಹ್‌ದಾರಾ ಪ್ರದೇಶದಲ್ಲಿನ ಮಾನ್‌ಸರೋವರ್‌ ಪಾರ್ಕ್‌ ಪ್ರದೇಶದಲ್ಲಿರುವ ತಮ್ಮ ನಿವಾಸದಲ್ಲಿ 82ರ ವೃದ್ಧೆ , ಆಕೆಯ ಮೂವರು ಪುತ್ರಿಯರು ಮತ್ತು ಅವರ ಸೆಕ್ಯುರಿಟಿ ಗಾರ್ಡ್‌ ಇರಿತಕ್ಕೆ ಗುರಿಯಾಗಿ ಸತ್ತು ಬಿದ್ದಿರುವುದು ಪತ್ತೆಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಯಾರೋ ತಿಳಿದವರೇ ಈ ಐದು ಮಂದಿಯನ್ನು ಇರಿದು ಕೊಂದಿರಬೇಕು, ಏಕೆಂದರೆ ಇವರ ಮನೆಯನ್ನು  ಹಂತಕರು ಬಲವಂತದಿಂದ ಪ್ರವೇಶಿಸಿದ ಯಾವುದೇ ಕುರುಹುಗಳು ಕಂಡು ಬಂದಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ. 

ಆಸ್ತಿ ವಿವಾದಕ್ಕೆ ಸಂಬಂಧಿಸಿಯೂ ಈ ಕೊಲೆಗಳು ನಡೆದಿರುವ ಸಾಧ್ಯತೆಗಳಿವೆ ಎಂದು ಪೊಲೀಸರು ಶಂಕಿಸಿದ್ದಾರೆ. 

ಮೃತರನ್ನು ಊರ್ಮಿಳಾ ಜಿಂದಾಲ್‌ 82, ಆಕೆಯ ಪುತ್ರಿಯರಾದ ಸಂಗೀತಾ ಗುಪ್ತಾ 56, ನೂಪುರ್‌ ಜಿಂದಾಲ್‌ 48, ಅಂಜಲಿ ಜಿಂದಾಲ್‌ 38 ಮತ್ತು ಸೆಕ್ಯುರಿಟಿ ಗಾರ್ಡ್‌ ರಾಕೇಶ್‌ 42 ಎಂದು ಗುರುತಿಸಲಾಗಿದೆ.

ಹೆಚ್ಚಿನ ವಿವರಗಳನ್ನು ಎದುರು ನೋಡಲಾಗುತ್ತಿದೆ.