ನಾಳೆಯಿಂದ ಏನೇನು ಬದಲಾವಣೆ? 

ಸೆ.1ರಿಂದ ವಿತ್ತೀಯ, ಬ್ಯಾಂಕಿಂಗ್‌ ಕ್ಷೇತ್ರದಲ್ಲಿ ಹಲವು ಬದಲಾವಣೆಗಳು ಆಗಲಿವೆ. ಹೀಗಾಗಿ ನಿಮ್ಮ ವ್ಯವಹಾರಗಳನ್ನು ನಡೆಸುವ ಮುನ್ನ ಯಾವ ಕ್ಷೇತ್ರದಲ್ಲಿ ಏನು ಬದಲಾವಣೆಯಾಗಲಿದೆ ಎಂಬುದರ ಬಗ್ಗೆ ಪಕ್ಷಿ ನೋಟ ಇಲ್ಲಿದೆ.

ಪಿಎಫ್ – ಆಧಾರ್‌ ಲಿಂಕ್‌ :

ವೇತನ ಪಡೆಯುವ ವರ್ಗಕ್ಕೆ ಈ ಅಂಶ ಪ್ರಧಾನವಾದದ್ದು. ಒಂದು ವೇಳೆ ಲಿಂಕ್‌ ಮಾಡಿಲ್ಲದೇ ಇದ್ದರೆ ಉದ್ಯೋಗದಾತರು ಉದ್ಯೋಗಿಗಳ ಖಾತೆಗೆ ತಮ್ಮ ಪಾಲಿನ ಪಿಎಫ್ ಜಮೆ ಅಸಾಧ್ಯ.

ಸಿಲಿಂಡರ್‌ ದರ ಹೆಚ್ಚಳ :

ಪ್ರತೀ ತಿಂಗಳ ಆರಂಭದಲ್ಲಿ ಸರಕಾರ ಅಡುಗೆ ಅನಿಲ ಪರಿಷ್ಕರಿಸುತ್ತದೆ. ಈಗಾಗಲೇ ಸಬ್ಸಿಡಿ ರಹಿತ ಸಿಲಿಂಡರ್‌ ದರವನ್ನು 25 ರೂ.ಗಳನ್ನು ಹೆಚ್ಚಿಸಲಾಗಿದೆ.

ಪಾನ್‌- ಆಧಾರ್‌ ಲಿಂಕ್‌ :

ವಿಶೇಷವಾಗಿ ಎಸ್‌ಬಿಐನಲ್ಲಿ ಬ್ಯಾಂಕ್‌ ಖಾತೆಗಳನ್ನು ಹೊಂದಿದ್ದವರಿಗೆ ಈ ನಿಯಮ ಅನ್ವಯ. ಪಾನ್‌ ಮತ್ತು ಆಧಾರ್‌ ಲಿಂಕ್‌ ಮಾಡದೇ ಇದ್ದರೆ ವಿತ್ತೀಯ ವಹಿವಾಟು ನಡೆಸಲು ಅಸಾಧ್ಯ. ಹೀಗಾಗಿ ಪಾನ್‌- ಆಧಾರ್‌ ಲಿಂಕ್‌ಗೆ ಕ್ರಮ ಕೈಗೊಳ್ಳಬೇಕು.

ಚೆಕ್‌ ಕ್ಲಿಯರೆನ್ಸ್‌ :

ಪಾಸಿಟಿವ್‌ ಪೇ ಸಿಸ್ಟಮ್‌ ಮೂಲಕ ಚೆಕ್‌ಗಳನ್ನು ಕ್ಲಿಯರೆನ್ಸ್‌ಗೆ ಕಳುಹಿಸಲಾಗುತ್ತದೆ. 50 ಸಾವಿರ ರೂ.ಗಳಿಗಿಂತ ಹೆಚ್ಚು ಮೊತ್ತ ಅಥವಾ 5 ಲಕ್ಷ ರೂ.ಗಳಿಗಿಂತ ಹೆಚ್ಚು ಮೊತ್ತದ ಚೆಕ್‌ ಅನ್ನು ನೀಡುವುದಿದ್ದರೆ, ಮುಂಚಿತವಾಗಿಯೇ ಬ್ಯಾಂಕ್‌ ಶಾಖೆಗೆ ಮಾಹಿತಿ ನೀಡಬೇಕು. ಬ್ಯಾಂಕ್‌ ಶಾಖೆಯ ಅಧಿಕಾರಿಗಳು ಮಾಹಿತಿಯನ್ನು ಆಧರಿಸಿ ಚೆಕ್‌ ಅನ್ನು ಕ್ಲಿಯರೆನ್ಸ್‌ಗೆ ಕಳುಹಿಸುತ್ತಾರೆ. ಮುಂಚಿತ ಮಾಹಿತಿ ನೀಡದೇ ಇದ್ದರೆ, ಚೆಕ್‌ ಬೌನ್ಸ್‌ ಆಗುತ್ತದೆ.