ಮಹಿಳೆ ಮೆದುಳಲ್ಲಿ 8 ಸೆ.ಮೀ. ದುಂಡುಹುಳು! 

ಕ್ಯಾನ್ಬೆರಾ: ಸಾಮಾನ್ಯವಾಗಿ ತಲೆನೋವು ಬಂದರೆ ಅದನ್ನು ನಿರ್ಲಕ್ಷಿಸಿ, ಒಂದು ಮಾತ್ರೆ ನುಂಗಿ ಅಥವಾ ಯಾವುದೋ ಬಾಮ್‌ ಹಚ್ಚಿ ಸುಮ್ಮನಾಗುತ್ತೇವೆ..ಆದರೆ, ಇದೇ ರೀತಿ ತಲೆನೋವನ್ನು ಮಾಮೂಲಿ ಎಂದು ಭಾವಿಸಿದ್ದ ಮಹಿಳೆಯ ಮೆದುಳಲ್ಲಿ ಪತ್ತೆಯಾಗಿದ್ದೇನು ಗೊತ್ತಾ? ಜೀವಂತ ದುಂಡುಹುಳು!

ಹೌದು, ವೈದ್ಯಕೀಯ ಇತಿಹಾಸದಲ್ಲೇ ಮನುಷ್ಯರ ಮಿದುಳಿನಲ್ಲಿ ದುಂಡು ಹುಳು ಪತ್ತೆಯಾಗಿರುವ; ಅದರಲ್ಲೂ ಜೀವಂತವಾಗಿ ಪತ್ತೆಯಾಗಿರುವ ಮೊದಲ ಪ್ರಕರಣ, ಆಸ್ಟ್ರೇಲಿಯದ ರಾಜಧಾನಿಯಾದ ಕ್ಯಾನ್ಬೆರಾದ ಆಸ್ಪತ್ರೆಯೊಂದರಲ್ಲಿ ನಡೆದಿದೆ. 60 ವರ್ಷದ ಮಹಿಳೆಯೊಬ್ಬರು ಆಗಾಗ ತೀವ್ರ ತಲೆನೋವು ಬರುತ್ತಿದ್ದ ಕಾರಣ, ಆಸ್ಪತ್ರೆಗೆ ದಾಖಲಾಗಿದ್ದರು. ನರತಜ್ಞರಾದ ಹರಿಪ್ರಿಯಾ ಬಂದಿ ಎಂಬ ವೈದ್ಯೆ ಅವರನ್ನು ಪರೀಕ್ಷಿಸಿದ್ದಾರೆ. ಈ ವೇಳೆ ಎಂಆರ್‌ಐ ಸ್ಕ್ಯಾನ್‌ನಲ್ಲಿ ಮೆದುಳಿನಲ್ಲಿ ವೈಪರೀತ್ಯ ವರದಿಯಾಗಿದ್ದು, ತಕ್ಷಣವೇ ಶಸ್ತ್ರಚಿಕಿತ್ಸೆ ನಡೆಸಲಾಗಿದೆ. ಆಗ ವೈದ್ಯರಿಗೆ ಕಂಡದ್ದು ಅಚ್ಚರಿ, ಕಾರಣ ಮಹಿಳೆಯ ಮೆದುಳಿನಲ್ಲಿ ಜೀವಂತವಾಗಿರುವ 8 ಸೆ.ಮೀ. ಉದ್ದದ ದುಂಡುಹುಳು ಹೊರಳಾಡುತ್ತಿದೆ! ವೈದ್ಯರೇ ಇದರಿಂದ ಗಾಬರಿಗೊಂಡಿದ್ದಾರೆ. ಸದ್ಯ ಮಹಿಳೆಗೆ ಶಸ್ತ್ರಚಿಕಿತ್ಸೆ ನಡೆಸಲಾಗಿದ್ದು, ಆಕೆ ಚೇತರಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.

ಎಲ್ಲಿಂದ ಬಂತು ದುಂಡುಹುಳು?
ಸಾಮಾನ್ಯವಾಗಿ ಈ ರೀತಿಯ ದುಂಡುಹುಳುಗಳು ಹೆಬ್ಟಾವಿನ ಮೆದುಳಿನಲ್ಲಿ ಗೋಚರಿಸುತ್ತವೆ. ಮಹಿಳೆ ನದಿಯೊಂದರ ಪಕ್ಕ ವಾಸವಿದ್ದು, ಆ ಪ್ರದೇಶದಲ್ಲಿ ಹೆಬ್ಟಾವುಗಳೂ ಇದ್ದವು ಎನ್ನಲಾಗಿದೆ. ಆಕೆ ಹೆಬ್ಟಾವಿನೊಂದಿಗೆ ಒಡನಾಟ ಹೊಂದಿರಲಿಲ್ಲ. ಆದರೆ, ಆ ಪ್ರದೇಶದ ಸುತ್ತಮುತ್ತಲಿನ ಸೊಪ್ಪುಗಳನ್ನು ಅಡುಗೆಗೆ ಬಳಸುತ್ತಿದ್ದರೆಂದು ತಿಳಿದುಬಂದಿದೆ. ಬಹುಶಃ ಹೆಬ್ಟಾವಿನ ಮಲದ ಮೂಲಕ ದುಂಡುಹುಳುವಿನ ಮೊಟ್ಟೆಗಳು ಸೊಪ್ಪು ಸೇರಿ, ಅದು ಮಹಿಳೆಯ ಊಟದಲ್ಲಿ ಬೆರೆತಿರಬಹುದು. ಆ ಮೂಲಕ ಆಕೆಯ ಮೆದುಳು ಸೇರಿಸಬಹುದು ಎಂದು ವೈದ್ಯರು ಅಂದಾಜಿಸಿದ್ದಾರೆ.