Hassan: ಹಾಸನಾಂಬೆಗೆ 8.72 ಕೋಟಿ ರೂ. ಆದಾಯ

ಹಾಸನ: ವರ್ಷಕ್ಕೊಮ್ಮೆ ದರ್ಶನ ನೀಡುವ ಹಾಸನಾಂಬೆಯ 14 ದಿನಗಳ ಜಾತ್ರಾ ಮಹೋತ್ಸವದಲ್ಲಿ ಒಟ್ಟು 8,72, 41,531 ರೂ. ಆದಾಯ ಬಂದಿದೆ. ಹಾಸನಾಂಬೆ ಜಾತ್ರೋತ್ಸವದ ಇತಿಹಾಸದಲ್ಲೇ ಮೊದಲ ಬಾರಿಗೆ ದಾಖಲೆ ಪ್ರಮಾಣದ ಆದಾಯ ಹರಿದುಬಂದಿದೆ.

ಬುಧವಾರ ದೇವಾಲಯದ ಬಾಗಿಲು ಮುಚ್ಚಲಾಗಿದ್ದು, ಗುರುವಾರ ಕಾಣಿಕೆ ಹುಂಡಿಗಳ ಎಣಿಕೆ ನಡೆಯಿತು. ಹುಂಡಿಗಳಲ್ಲಿ 2.57 ಕೋಟಿ ರೂ.ಸಂಗ್ರಹವಾಗಿತ್ತು. ಹಾಸನಾಂಬೆಯ ನೇರ ದರ್ಶನಕ್ಕೆ ನಿಗದಿಪಡಿಸಿದ್ದ 1000 ರೂ. ಟಿಕೆಟ್‌ನಿಂದ 3.09 ಕೋ. ರೂ. ಬಂದಿದ್ದರೆ, 300 ರೂ.ಟಿಕೆಟ್‌ನಿಂದ 2.35 ಕೋ. ರೂ. ಹಾಗೂ ಲಾಡು ಪ್ರಸಾದದಿಂದ 70.23 ಲಕ್ಷ ರೂ.ಆದಾಯ ಬಂದಿದೆ. ಕಾಣಿಕೆಯ ರೂಪದಲ್ಲಿ ಭಕ್ತರು ನೀಡಿದ್ದ ಹುಂಡಿಗಳಿಂದ 2.57 ಕೋ. ರೂ. ಸಹಿತ ಒಟ್ಟು 8.72 ಕೋ. ರೂ. ಆದಾಯ ಸಂಗ್ರಹವಾಗಿದೆ.