ಕೋವಿಡ್ : ರಾಜ್ಯದಲ್ಲಿಂದು 18648 ಸೋಂಕಿತರು ಗುಣಮುಖ; 7810 ಹೊಸ ಪ್ರಕರಣ ಪತ್ತೆ

ಬೆಂಗಳೂರು: ರಾಜ್ಯದಲ್ಲಿಂದು ಹೊಸ ಕೋವಿಡ್ ಸೋಂಕಿತ ಪ್ರಕರಣಗಳ ಶೇಕಡಾವಾರು ಪ್ರಮಾಣ 6.02 % ಹಾಗೂ ಸೋಂಕಿನಿಂದ ಮೃತ ಪಟ್ಟವರ ಶೇಕಡಾವಾರು ಪ್ರಮಾಣ 1.60 % ದಾಖಲಾಗಿದೆ.

ಇಂದು ಸಂಜೆ ( ಜೂನ್ 13) ಕರ್ನಾಟಕ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ ಕಳೆದ 24 ಗಂಟೆಗಳ ಅವಧಿ ( ದಿನಾಂಕ:12.06.2021,00:00 ರಿಂದ 23:59ರ ವರೆಗೆ)ಯಲ್ಲಿ ಹೊಸದಾಗಿ 7810 ಜನರಿಗೆ ಕೋವಿಡ್ ಪಾಸಿಟಿವ್ ಸೋಂಕು ದೃಢ ಪಟ್ಟಿದೆ. ಹಾಗೂ ಇದೇ ಅವಧಿಯಲ್ಲಿ 125 ಜನ ಸೋಂಕಿತರು ಸಾವನ್ನಪ್ಪಿದ್ದಾರೆ.

ಗುಣಮುಖರ ಸಂಖ್ಯೆ :

ಮೇಲೆ ತಿಳಿಸಲಾದ ಕಾಲಾವಧಿಯಲ್ಲಿ 18648 ಜನ ಸೋಂಕಿತರು ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ. ಈ ಮೂಲಕ ಸೋಂಕಿನಿಂದ ಗುಣಮುಖರಾದವರ ಸಂಖ್ಯೆ 2551365ಕ್ಕೆ ತಲುಪಿದೆ.

ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ :

ಬಾಗಲಕೋಟೆ-62, ಬಳ್ಳಾರಿ-141, ಬೆಳಗಾವಿ-266, ಬೆಂಗಳೂರು ಗ್ರಾಮಾಂತರ-154, ಬೆಂಗಳೂರು   ನಗರ-1348, ಬೀದರ್-7, ಚಾಮರಾಜನಗರ-129, ಚಿಕ್ಕಬಳ್ಳಾಪುರ-141, ಚಿಕ್ಕಮಗಳೂರು-223, ಚಿತ್ರದುರ್ಗ-128, ದಕ್ಷಿಣ ಕನ್ನಡ-434, ದಾವಣಗೆರೆ-391, ಧಾರವಾಡ-148, ಗದಗ-73, ಹಾಸನ-581, ಹಾವೇರಿ-64, ಕಲಬುರಗಿ-24, ಕೊಡಗು-125, ಕೋಲಾರ-164, ಕೊಪ್ಪಳ-76, ಮಂಡ್ಯ-467, ಮೈಸೂರು-1251, ರಾಯಚೂರು-30, ರಾಮನಗರ-47, ಶಿವಮೊಗ್ಗ-393, ತುಮಕೂರು-352, ಉಡುಪಿ-223, ಉತ್ತರ ಕನ್ನಡ-250, ವಿಜಯಪುರ-96, ಯಾದಗಿರಿ-22.