77 ಕೋಟಿ ಇ-ಮೇಲ್‌ ಐಡಿ, 2 ಕೋಟಿ ಯೂನಿಕ್‌ ಪಾಸ್‌ ವರ್ಡ್‌ ಲೀಕ್‌

ಸ್ಯಾನ್‌ ಫ್ರಾನ್ಸಿಸ್ಕೋ : ಈಚಿನ ವರ್ಷಗಳಲ್ಲಿ ನಡೆದಿರುವ ಅತ್ಯಂತ ದೊಡ್ಡ ಡಾಟಾ ಕಳವು ಇದೀಗ ಬಹಿರಂಗವಾಗಿದೆ. 77.30 ಕೋಟಿ ಯೂನಿಕ್‌ ಇ-ಮೇಲ್‌ ಐಡಿ ಮತ್ತು 2.10 ಕೋಟಿ ಯೂನಿಕ್‌ ಪಾಸ್‌ ವರ್ಡ್‌ಗಳು ಸೋರಿಕೆಯಾಗಿವೆ ಎಂಬ ಆಘಾತಕಾರಿ ಸಂಗತಿಯನ್ನು ಸಂಶೋಧಕರು ಇಂದು ಗುರುವಾರ ಬಹಿರಂಗಪಡಿಸಿದ್ದಾರೆ. 

ಆದರೆ ಸೋರಿ ಹೋಗಿರುವ ಇವುಗಳಲ್ಲಿ ಕ್ರೆಡಿಟ್‌ ಮತ್ತು ಡೆಬಿಟ್‌ ಕಾರ್ಡ್‌ ವಿವರಗಳು ಸೇರಿಲ್ಲ ಎಂದವರು ಹೇಳಿದ್ದಾರೆ.

ಈ ಬೃಹತ್‌ ಪ್ರಮಾಣದ ಡಾಟಾ ಸೋರಿಕೆಯು ‘ಕಲೆಕ್ಷನ್‌ ಹ್ಯಾಶ್‌ಟ್ಯಾಗ್‌ 1’ ರ ಭಾಗವಾಗಿದೆ; ಇದು ಒಟ್ಟು 2,692,818.238 ಸಾಲುಗಳನ್ನು ಒಳಗೊಂಡ ಇಮೇಲ್‌ ವಿಳಾಸಗಳು ಮತ್ತು ಪಾಸ್‌ ವರ್ಡ್‌ಗಳ ಒಂದು ಕಂತೆಯಾಗಿದೆ ಎಂದು ವೆಬ್‌ ಸೆಕ್ಯುರಿಟಿ ರಿಸರ್ಚರ್‌ ಟ್ರಾಯ್‌ ಹಂಟ್‌ ತಿಳಿಸಿದ್ದಾರೆ.