ಬಿಹಾರದಲ್ಲಿ ತೈಲ ಟ್ಯಾಂಕರ್‌ಗೆ ವಾಹನ ಢಿಕ್ಕಿ : ಏಳು ಸಾವು

ಮುಜಫ‌ರಪುರ, ಬಿಹಾರ : ಇಂದು ನಸುಕಿನ 2 ಗಂಟೆಯ ಹೊತ್ತಿಗೆ  ವಾಹನವೊಂದು ತೈಲ ಟ್ಯಾಂಕರ್‌ಗೆ ಢಿಕ್ಕಿ ಹೊಡೆದು ಸಂಭವಿಸಿದ ಭೀಕರ ಅಪಘಾತದಲ್ಲಿ ವಾಹನದೊಳಗಿದ್ದವರ ಪೈಕಿ 7 ಮಂದಿ ಮೃತಪಟ್ಟು ಇತರ 7 ಮಂದಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ. 

ಅಪಘಾತದ ತೀವ್ರತೆಯಲ್ಲಿ ಐದು ಮಂದಿ ಸ್ಥಳದಲ್ಲೇ ಸಾವಪ್ಪಿದರು; ಇನ್ನಿಬ್ಬರು ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು ಎಂದು ಮುಜಫ‌ರಪುರ ಡಿವೈಎಸ್ಪಿ ಗೌರವ್‌ ಪಾಂಡೆ ತಿಳಿಸಿದ್ದಾರೆ. 

ನತದೃಷ್ಟ ವಾಹನದಲ್ಲಿದ್ದವರು ಸಮಷ್ಟೀಪುರ ಜಿಲ್ಲೆಯ ತಾಜಪುರದಲ್ಲಿ ಮದುವೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮರಳುತ್ತಿದ್ದಾಗ ಅವಘಡ ಸಂಭವಿಸಿತು. 

ಪೊಲೀಸರು ತೈಲ ಟ್ಯಾಂಕರನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ; ಅದರ ಚಾಲಕ ಪರಾರಿಯಾಗಿದ್ದಾನೆ.