ಶ್ರೀರಂಗಪಟ್ಟಣದಲ್ಲಿ 7 ಡೇಸ್‌ 6 ನೈಟ್ಸ್‌!

ಹೊಸಬರ “7 ಡೇಸ್‌ 6 ನೈಟ್ಸ್‌’ ಚಿತ್ರದ ಹಾಡೊಂದನ್ನು ಇತ್ತೀಚೆಗೆ ಶ್ರೀರಂಗಪಟ್ಟಣದಲ್ಲಿ ಚಿತ್ರೀಕರಿಸಲಾಗಿದೆ. ಯಶಸ್ವಿನಿ ಸಿನಿ ಕ್ರಿಯೇಷನ್ಸ್‌ ಬ್ಯಾನರ್‌ನಲ್ಲಿ ರಾಜೇಶ್‌ ಹೆಚ್‌.ಆರ್‌ ನಿರ್ಮಾಣ ಮಾಡಿದ್ದಾರೆ. “ಕಿಕ್‌ ಏರಿದರೆ ಇವತ್ತು, ಮತ್ತು ಏರಿದರೆ ಗಮ್ಮತ್ತು..’ ಎಂಬ ಹಾಡೊಂದನ್ನು ಶ್ರೀರಂಗಪಟ್ಟಣದಲ್ಲಿ ಚಿತ್ರೀಕರಿಸಲಾಗಿದೆ. ಈ ಹಾಡಲ್ಲಿ ಹತ್ತಾರು ಜನ ಕಲಾವಿದರು ಪಾಲ್ಗೊಂಡಿದ್ದು, ನೃತ್ಯ ನಿರ್ದೇಶಕ ಜಗ್ಗು ಅವರು ಈ ಹಾಡಿಗೆ ನೃತ್ಯ ಸಂಯೋಜಿಸಿದ್ದಾರೆ. ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿರುವ ನಿರ್ದೇಶಕ ಪರಶಿವಮೂರ್ತಿ, ಹೊಸತನದೊಂದಿಗೆ ಈ ಸಿನಿಮಾ ಮಾಡಿದ್ದಾರೆ.

ಚಿತ್ರಕ್ಕೆ ಕೌಶಿಕ್‌ ಕ್ಯಾಮೆರಾ ಹಿಡಿದಿದ್ದಾರೆ.ಪ್ರಮೋದ್‌ ಸ್ಟೀಫ‌ನ್‌ ಸಂಗೀತವಿದೆ. ವಿಜಯ್‌ ಪ್ರೀತಮ್‌, ನಿಖೀಲ್‌ ಮಾಳಿಯಾಕಳ್‌, ಧನಂಜಯ,ಸಂದೀಪ್‌ ಅಯ್ಯರ್‌, ಯಶಸ್‌, ಮನೋಜ್‌ ಕುಮಾರ್‌, ನಿಶಾ, ಆಧ್ಯ, ಇಚ್ಛಾ, ಆಶಾ, ಇತರರಿದ್ದಾರೆ.