ಹಳೇ ನೋಟು ಎಣಿಕೆಗೆ 66 ಯಂತ್ರ

ಹೊಸದಿಲ್ಲಿ: ನೋಟುಗಳ ಅಮಾನ್ಯದ ಬಳಿಕ ಬ್ಯಾಂಕುಗಳಲ್ಲಿ ಠೇವಣಿಯಾದ ಹಳೆಯ 500 ಮತ್ತು 1,000 ರೂ. ಮುಖಬೆಲೆಯ ನೋಟುಗಳನ್ನು ಎಣಿಸಲು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಅತ್ಯಾಧುನಿಕ ಕರೆನ್ಸಿ ದೃಢೀಕರಣ ಮತ್ತು ಸಂಸ್ಕರಣಾ ಯಂತ್ರಗಳನ್ನು ಬಳಸಿತ್ತು. 

ಆರ್‌ಟಿಐ ಅಡಿ ಕೇಳಲಾದ ಮಾಹಿತಿಗೆ ಉತ್ತರವಾಗಿ ಆರ್‌ಬಿಐ ಈ ವಿಚಾರವನ್ನು ತಿಳಿಸಿದೆ. ಯಂತ್ರಗಳ ಖರೀದಿಸಲು ಜಾಗತಿಕ ಟೆಂಡರ್‌ ಕರೆಯಲಾಗಿತ್ತು. ಈವರೆಗೆ ಒಟ್ಟು ಇಂಥ 59 ಯಂತ್ರಗಳನ್ನು ನೋಟು ಎಣಿಕೆಗೆ ಬಳಸಲಾಗುತ್ತಿಗೆ. ಜತೆಗೆ, 7 ಯಂತ್ರಗಳನ್ನು ಲೀಸ್‌ಗೆ ಪಡೆಯಲಾಗಿದ್ದು, ವಾಣಿಜ್ಯ ಬ್ಯಾಂಕುಗಳಲ್ಲಿದ್ದ 7 ಯಂತ್ರಗಳನ್ನೂ ಬಳಸಲಾಗಿದೆ ಎಂದೂ ಆರ್‌ಬಿಐ ತಿಳಿಸಿದೆ. ಆದರೆ, ಎಷ್ಟು ಮೊತ್ತಕ್ಕೆ ಲೀಸ್‌ಗೆ ಪಡೆಯಲಾಗಿದೆ ಎಂಬ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.