ಸಿಕ್ಕಿಂನ ನಾಥುಲಾದಲ್ಲಿ ಹಿಮಕುಸಿತ: ಕನಿಷ್ಠ 6 ಪ್ರವಾಸಿಗರು ಮೃತ್ಯು; ಹಲವರು ಸಿಲುಕಿರುವ ಶಂಕೆ

ಗ್ಯಾಂಗ್ಟಾಕ್ (ಸಿಕ್ಕಿಂ): ಭಾರೀ ಹಿಮಕುಸಿತ ಉಂಟಾಗಿ ಕನಿಷ್ಠ 6 ಪ್ರವಾಸಿಗರು ಮೃತಪಟ್ಟು, ಹತ್ತಾರು ಮಂದಿ ಹಿಮದಡಿ ಸಿಲುಕಿರುವ ಘಟನೆ ಸಿಕ್ಕಿಂನ ನಾಥುಲಾ ಪ್ರದೇಶದಲ್ಲಿ ಮಂಗಳವಾರ (ಏ.4 ರಂದು) ನಡೆದಿರುವುದು ವರದಿಯಾಗಿದೆ.

ಮಂಗಳವಾರ ಮಧ್ಯಾಹ್ನ 12:20 ರ ಸುಮಾರಿಗೆ ಹಿಮಕುಸಿತ ಉಂಟಾಗಿದ್ದು, ಪರಿಣಾಮ ನಾಲ್ವರು ಪುರುಷರು,ಓರ್ವ ಮಹಿಳೆ, ಒಂದು ಮಗು ಸೇರಿದಂತೆ ಒಟ್ಟು 6 ಮಂದಿ ಪ್ರವಾಸಿಗರು ಮೃತಪಟ್ಟಿದ್ದಾರೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ:ಮೊದಲ ಪಂದ್ಯ ಗೆದ್ದ ಖುಷಿಯಲ್ಲಿರುವ ಆರ್ ಸಿಬಿಗೆ ಶಾಕ್: ಸ್ಫೋಟಕ ಆಟಗಾರ ತಂಡದಿಂದ ಔಟ್

ಹಿಮಕುಸಿತ ಉಂಟಾಗುವ ವೇಳೆ 150 ಪ್ರವಾಸಿಗರಿದ್ದರು. ಆಳವಾದ ಕಣಿವೆಯಲ್ಲಿ ಹಿಮದಡಿ ಸಿಲುಕಿದ್ದ 22 ಪ್ರವಾಸಿಗರನ್ನು ರಕ್ಷಿಸಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಇನ್ನು 80 ಕ್ಕೂ ಅಧಿಕ ಮಂದಿ ಹಿಮದಡಿ ಸಿಲುಕಿರುವ ಶಂಕೆ ವ್ಯಕ್ತಪಡಿಸಲಾಗಿದೆ. ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ.