ಚರ್ಚೆ ಇಲ್ಲದೇ 6 ಖಾಸಗಿ ವಿ.ವಿ.ಮಸೂದೆ ಅಂಗೀಕಾರ

ಬೆಂಗಳೂರು: ಕಳೆದ ಅಧಿವೇಶನದಲ್ಲಿ ಸ್ವ ಪಕ್ಷದವರಿಂದಲೇ ವಿರೋಧಕ್ಕೆ ಕಾರಣವಾಗಿ ಮುಂದೂಡಲ್ಪಟ್ಟಿದ್ದ ಖಾಸಗಿ ವಿಶ್ವವಿದ್ಯಾನಿಲಯಗಳ ಮಸೂದೆಗಳಿಗೆ ಮಂಗಳವಾರ ವಿಧಾನಸಭೆಯಯಲ್ಲಿ ಅಂಗೀಕಾರ ಪಡೆಯಲಾಯಿತು.

ಉನ್ನತ ಶಿಕ್ಷಣ ಸಚಿವ ಡಾ| ಸಿ.ಎನ್‌.ಅಶ್ವತ್ಥ ನಾರಾಯಣ ಅವರು 2022ನೇ ಸಾಲಿನ ಜಿ.ಎಂ.ವಿಶ್ವವಿದ್ಯಾನಿಲಯ ಮಸೂದೆ, ಕಿಷ್ಕಿಂದ ವಿಶ್ವವಿದ್ಯಾನಿಲಯ ಮಸೂದೆ, ಆಚಾರ್ಯ ವಿಶ್ವವಿದ್ಯಾನಿಲಯ ಮಸೂದೆ, ಸಪ್ತಗಿರಿ ಎನ್‌ಪಿಎಸ್‌ ವಿಶ್ವವಿದ್ಯಾನಿಲಯ ಮಸೂದೆ, ರಾಜ್ಯ ಒಕ್ಕಲಿಗರ ಸಂಘ ವಿಶ್ವವಿದ್ಯಾನಿಲಯ ಮಸೂದೆ ಹಾಗೂ ಜಾನ್‌ ವಿಶ್ವವಿದ್ಯಾನಿಲಯ ಮಸೂದೆಯನ್ನು ಮಂಡಿಸಿದರು.

ಈ ಹಿಂದೆಯೇ ಮಸೂದೆಗಳ ಉದ್ದೇಶ ವಿವರಣೆ ನೀಡಿದ್ದರಿಂದ ಸ್ಪೀಕರ್‌ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಮತಕ್ಕೆ ಹಾಕಿ ಅಂಗೀಕಾರ ಪಡೆದರು.