ಉತ್ತರ ಪ್ರದೇಶ: ಬಸ್‌ – ಟ್ರಕ್ ನಡುವಿನ ಭೀಕರ ಅಪಘಾತದಲ್ಲಿ 6 ಮಂದಿ ಸಾವನ್ನಪ್ಪಿ, 21 ಜನರಿಗೆ ಗಾಯವಾದ ಘಟನೆ ಫಿರೋಜಾಬಾದ್ ನಲ್ಲಿ ಬುಧವಾರ(ಡಿ.14 ರಂದು) ನಡೆದಿದೆ.
ಲುಧಿಯಾನ ಮತ್ತು ರಾಯ್ ಬರೇಲಿಯಯಿಂದ 50 ಪ್ರಯಾಣಿಕರನ್ನು ಹೊತ್ತುಕೊಂಡು ಬರುತ್ತಿದ್ದ ಬಸ್ಸಿಗೆ ಆಗ್ರಾ-ಲಖನೌ ದಾರಿಯಲ್ಲಿ ಟ್ರಕ್ ಢಿಕ್ಕಿ ಹೊಡೆದಿದೆ ಪರಿಣಾಮ 6 ಮಂದಿ ಸ್ಥಳದಲ್ಲೇ ಮೃತಪಟ್ಟಿದ್ದು, 21 ಮಂದಿ ಪ್ರಯಣಿಕರಿಗೆ ಗಾಯಗಳಾಗಿವೆ.
ಇದನ್ನೂಓದಿ: ತೆನೆ ಹೊರೆ ಬಿಟ್ಟು ಕೈ ಸೇರುವವರೇ ವೈ.ಎಸ್.ವಿ.ದತ್ತ?; ರಾಜಕೀಯ ವಲಯದಲ್ಲಿ ದತ್ತ ಆಪ್ತನ ಆಡಿಯೋ ವೈರಲ್
ಬುಧವಾರ ಮುಂಜಾನೆ 4:30 ರ ವೇಳೆ ಈ ಘಟನೆ ನಡೆದಿದ್ದು, ಚಾಲಕ ಬಸ್‌ ಚಲಾಯಿಸುವಾಗ ಸ್ವಲ್ಪ ನಿದ್ರೆಯಲ್ಲಿ ತೂಕಡಿಸುತ್ತಿದ್ದರು. ಒಮ್ಮೆಗೆ ಬಂದು ಟ್ರಕ್ ಬಸ್ಸಿನ ಹಿಂಬದಿಗೆ ಢಿಕ್ಕಿಯಾಗಿದ್ದರಿಂದ ಬಸ್‌ ಪಲ್ಟಿಯಾಗಿದೆ ಎಂದು ವರದಿ ತಿಳಿಸಿದೆ.
ಘಟನಾ ಸ್ಥಳದಿಂದ ಬಸ್ಸನ್ನು ತೆರವುಗೊಳಿಸಲಾಗಿದ್ದು, ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
