ಮೋಸ್ಟ್‌ ವಾಂಟೆಡ್‌ ಉಗ್ರಿರಿಬ್ಬರು ಸೇರಿ 6 ಮಂದಿ ಫಿನಿಶ್‌

ಶ್ರೀನಗರ: ಸೇನಾ ಪಡೆಗಳು ಉತ್ತರ ಕಾಶ್ಮೀರದ ಬಂಡೀಪೋರಾದಲ್ಲಿ ಭಾನುವಾರ ನಡೆಸಿದ ಭಾರೀ ಕಾರ್ಯಾಚರಣೆಯಲ್ಲಿ ಲಷ್ಕರ್‌ ಇ ತೋಯ್‌ಬಾ ಉಗ್ರ ಸಂಘಟನೆಯ 6 ಮಂದಿ ಉಗ್ರರನ್ನು ಹತ್ಯೆಗೈಯಲಾಗಿದೆ. ಕಾರ್ಯಾಚರಣೆಯಲ್ಲಿ ವಾಯುಪಡೆಯ ಯೋಧರೊಬ್ಬರು ವೀರ ಮರಣವನ್ನಪ್ಪಿದ್ದಾರೆ. 

ಹತ್ಯೆಗೀಡಾದ ಉಗ್ರರ ಪೈಕಿ ಮುಂಬಯಿ ದಾಳಿಯ ಮಾಸ್ಟರ್‌ವೆುçಂಡ್‌ ಝಕಿ ಉರ್‌ ರೆಹಮಾನ್‌ನ ಸೋದರಳಿಯ ಮತ್ತು ಜಮಾತ್‌ ಉದ್‌ ದಾವಾದ 2 ನೇ ಕಮಾಂಡರ್‌ ಅಬ್‌ದುಲ್‌ ರೆಹಮಾನ್‌ ಮಕ್ಕಿಯ ಪುತ್ರನೂ ಸೇರಿದ್ದಾರೆ ಎಂದು ಸೇನಾ ಮೂಲಗಳು ತಿಳಿಸಿವೆ.

ಚಾಂದೇರ್‌ಗೀರ್‌ ಎಂಬ ಹಳ್ಳಿಯಲ್ಲಿ ಕಾರ್ಯಾಚರಣೆ ನಡೆದಿದ್ದು , ಭೀಕರ ಗುಂಡಿನ ಕಾಳಗ ನಡೆದ ಬಗ್ಗೆ ವರದಿಯಾಗಿದೆ. ಹತ್ಯೆಗೀಡಾದ ಉಗ್ರರ ಬಳಿ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ.