5ಜಿ ಯಾಕೆ ಆಮೆಯಾಗಿದೆ..? ನೆಟ್ ವರ್ಕ್ಸ್ ಸುತ್ತ ಮುತ್ತ ಕಾರ್ಯ ಸಾಧ್ಯತೆಗಳು..!

5ಜಿ ತಂತ್ರಜ್ಞಾನವು, ವೈಯರ್‌ ಲೆಸ್ ನೆಟ್‌ ವರ್ಕ್ ತಂತ್ರಜ್ಞಾನವಾಗಿದೆ. ಅದು ಜನರ ಜೀವನ ಮತ್ತು ಕೆಲಸದ ವಿಧಾನವನ್ನು ಬದಲಾಯಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಇದು ಈಗಿರುವ 4ಜಿ ಡೇಟಾ ನೆಟ್‌ ವರ್ಕ್‌ ಗೆ ಕನೆಕ್ಟ್ ಆಗುವ ಸಾಧನಗಳಿಗಿಂತ ಹೆಚ್ಚಿನ ಸಂಖ್ಯೆಯ ಡಿವೈಸ್‌ ಗಳನ್ನು ಕನೆಕ್ಟ್ ಮಾಡಿ, ಮತ್ತಷ್ಟು ವೇಗವಾಗಿ ಆನ್ಲೈನ್ ಚಟುವಟಿಕೆಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ. 5ಜಿ ನೆಟ್‌ವರ್ಕ್‌ಗಳು 2018 ರಲ್ಲಿ ಯುನೈಟೆಡ್ ಸ್ಟೇಟ್ಸ್ (ಅಮೇರಿಕಾ) ಸೇರಿದಂತೆ ಪ್ರಪಂಚದಾದ್ಯಂತ ಹೊರಹೊಮ್ಮಲು ಆರಂಭಿಸಿದವು. ಆದರೆ, ಪ್ರಸ್ತುತ 2021ರಲ್ಲೂ ಸಹ ಅದು ಪೂರ್ಣಪ್ರಮಾಣದ ನೆಟ್ ವರ್ಕ್ ಆಗಿ ಹೊರ ಹೊಮ್ಮಲಿಲ್ಲ.

ಹಲವಾರು ಕಾರ್ಪೊರೇಟ್ ಕಂಪನಿಗಳು ಅತಿವೇಗದ ಅಥವಾ ಅತಿದೊಡ್ಡ 5ಜಿ ನೆಟ್‌ ವರ್ಕ್‌ ಗಳನ್ನು ಪರಿಚಯಿಸಲು ಸ್ಪರ್ಧಿಸುತ್ತಿವೆ ಮತ್ತು ಹೆಲವು ಅಭಿವೃದ್ಧಿಶೀಲ ರಾಷ್ಟ್ರಗಳು 5ಜಿ ಯನ್ನು ದೇಶಾದ್ಯಂತ ಕಾರ್ಯಗತಗೊಳಿಸಲು ಉತ್ಸುಕರಾಗಿದ್ದಾರೆ. ಏಕೆಂದರೆ ಈ ಹೊಸ ತಂತ್ರಜ್ಞಾನವು ಕೇವಲ ಗ್ರಾಹಕರಿಗೆ ಪ್ರಯೋಜನಕಾರಿಯಲ್ಲದೆ, ವ್ಯಾಪಾರಗಳಿಗೆ, ಮೂಲ ಸೌಕರ್ಯಗಳನ್ನು ಒದಗಿಸುವ ಮತ್ತು ರಕ್ಷಣಾ ಅಪ್ಲಿಕೇಶನ್‌ ಗಳಿಗೆ ಪರಿವರ್ತಕ ಹೊಸ ತಂತ್ರಜ್ಞಾನಗಳನ್ನು ಉತ್ತೇಜಿಸುವ ನಿರೀಕ್ಷೆಯಿದೆ.

4ಜಿ ಗಿಂತಲೂ ಹೆಚ್ಚಿನ ಡೇಟಾ ವೇಗವನ್ನು 5ಜಿ ನೀಡಲಿದೆ. ಅದರೊಂದಿಗೆ, ಇತರ ಪ್ರಯೋಜನಗಳೂ ಇವೆ. 5ಜಿ ಹೆಚ್ಚಿನ ಬ್ಯಾಂಡ್‌ ವಿಡ್ತ್ ನನ್ನು ಹೊಂದಿರುತ್ತದೆ. ಇದರರ್ಥ, ಇದು ಏಕಕಾಲಕ್ಕೆ ಹೆಚ್ಚಿನ ಸಂಖ್ಯೆಯ ಡಿವೈಸ್‌ ಗಳೊಂದಿಗೆ ಸಮಾನ ವೇಗದಲ್ಲಿ ಡೇಟಾ ಹಂಚಿಕೊಳ್ಳುತ್ತದೆ. ಅಂದರೆ ನೀವು ಯಾವುದೇ ಜನ ನಿಬಿಡ ಪ್ರದೇಶದಲ್ಲಿ ಇದ್ದರೂ ಡೇಟಾ ವೇಗ ಕುಂಠಿತಗೊಳ್ಳುವ ತೊಂದರೆ ಬರುವುದಿಲ್ಲ.

5ಜಿ ಸುಪ್ತತೆಯನ್ನು (ಸೆಲ್ ಫೋನ್ ಅಥವಾ ಯಾವುದೇ ಸಂಪರ್ಕಿತ ಸಾಧನ ಸರ್ವರ್‌ ನಿಂದ ಯಾವುದೇ ವಿಷಯವನ್ನು ವಿನಂತಿ ಮಾಡಲು ಮತ್ತು ಅವರಿಂದ ಪ್ರತಿಕ್ರಿಯೆಯನ್ನು ಪಡೆಯಲು ತೆಗೆದುಕೊಳ್ಳುವ ಸಮಯ) ಸಹ ಕಡಿಮೆ ಮಾಡುತ್ತದೆ. ಅದಲ್ಲದೆ, ಇದು ವಿವಿಧ ಕ್ಲೌಡ್ ಪ್ಲಾಟ್‌ ಫಾರ್ಮ್‌ ಗಳೊಂದಿಗೆ ವೇಗ ಹಾಗೂ ಸುಲಭವಾಗಿ ಸಂವಹನವನ್ನು ಮಾಡುತ್ತದೆ (ಉದಾ : ಅಮೆಜಾನ್ ವೆಬ್ ಸೇವೆಗಳು ಮತ್ತು ಮೈಕ್ರೋಸಾಫ್ಟ್ ಅಜೂರ್)

5ಜಿ ಸಿಗ್ನಲ್‌ ಗಳು ಹೊಸ ರೇಡಿಯೋ ತರಂಗಾಂತರಗಳ ಮೇಲೆ ಚಲಿಸುತ್ತವೆ. ಇದಕ್ಕಾಗಿ, ಸೆಲ್ ಟವರ್‌ ಗಳಲ್ಲಿ ರೇಡಿಯೋಗಳು ಮತ್ತು ಇತರ ಉಪಕರಣಗಳನ್ನು ಅಪ್‌ ಡೇಟ್ ಮಾಡಬೇಕಾಗುತ್ತದೆ. ವೈಯರ್‌ ಲೆಸ್ ಕ್ಯಾರಿಯರ್ ಹೊಂದಿರುವ ಸ್ವತ್ತುಗಳ ಪ್ರಕಾರವನ್ನು ಅವಲಂಬಿಸಿಕೊಂಡು, 5ಜಿ ನೆಟ್ ವರ್ಕ್ ನನ್ನು ನಿರ್ಮಿಸಲು ಮೂರು ವಿಭಿನ್ನ ವಿಧಾನಗಳಿವೆ :

• ಲೋ-ಬ್ಯಾಂಡ್ ನೆಟ್ ವರ್ಕ್ ( ವಿಶಾಲ ವ್ಯಾಪ್ತಿ ಪ್ರದೇಶ ಆದರೆ 4ಜಿ ಗಿಂತ ಕೇವಲ ಶೇಕಡಾ 20 ರಷ್ಟು ವೇಗ)
• ಹೈ-ಬ್ಯಾಂಡ್ ನೆಟ್ ವರ್ಕ್ (ಸೂಪರ್ ಫಾಸ್ಟ್ ವೇಗ ಆದರೆ ಕಠಿಣ ಪ್ರದೇಶಗಳ ಮೇಲೆ ವೇಗವನ್ನು ಕಾಪಾಡಿಕೊಳ್ಳುವುದಿಲ್ಲ)
• ಮಿಡ್-ಬ್ಯಾಂಡ್ ನೆಟ್‌ ವರ್ಕ್ (ವೇಗ ಮತ್ತು ವ್ಯಾಪ್ತಿಯನ್ನು ಸಮತೋಲನಗೊಳಿಸುತ್ತದೆ).

ಸೂಪರ್‌ ಫಾಸ್ಟ್ 5 ಜಿ ನೆಟ್‌ ವರ್ಕ್ ಗಳನ್ನು ನಿರ್ಮಿಸುವ ವಾಹಕಗಳು ಟನ್‌ ಗಳಷ್ಟು ಸಣ್ಣ ಸೆಲ್ ಸೈಟ್‌ ಗಳನ್ನು ಸ್ಥಾಪಿಸಬೇಕು (ಪಿಜ್ಜಾ ಬಾಕ್ಸ್‌ ಗಳ ಗಾತ್ರದಷ್ಟು), ವಿದ್ಯುತ್ ಕಂಬಗಳಿಗೆ, ಗೋಡೆಗಳು ಅಥವಾ ಗೋಪುರಗಳಿಗೆ, ಸಾಮಾನ್ಯವಾಗಿ ಒಂದಕ್ಕೊಂದು ಸಣ್ಣ ಅಂತರದಲ್ಲಿ. ಅದೇ ಕಾರಣಕ್ಕಾಗಿ, ಈ ಸೂಪರ್‌ ಫಾಸ್ಟ್ ನೆಟ್‌ ವರ್ಕ್‌ ಗಳನ್ನು ಹೆಚ್ಚಾಗಿ ನಗರದಿಂದ ನಗರಕ್ಕೆ ನಿಯೋಜಿಸಲಾಗುತ್ತದೆ.

ವೈರ್‌ ಲೆಸ್ ಇಂಡಷ್ಟ್ರೀಸ್ ಟ್ರೇಡ್ ಗ್ರೂಪ್ ಜಿ ಎಸ್‌ ಎಮ್‌ ಎ ಪ್ರಕಾರ, ಅತ್ಯಂತ ವೇಗದ 5ಜಿ ನೆಟ್ ವರ್ಕ್ ಗಳು 4ಜಿ ಎಲ್ ಟಿ ಇ ವೇಗಕ್ಕಿಂತ ಕನಿಷ್ಠ 10 ಪಟ್ಟು. ಕೆಲವು ಐಟಿ ತಜ್ಞರು 5ಜಿ ವೇಗ 100 ಪಟ್ಟು ಹೆಚ್ಚಾಗಿರುತ್ತದೆ ಎಂದು ಹೇಳುತ್ತಾರೆ. ಎರಡು ಗಂಟೆಯ ಚಲನ ಚಿತ್ರವನ್ನು 10 ಸೆಕೆಂಡುಗಳಿಗಿಂತ ಕಡಿಮೆ ಸಮಯದಲ್ಲಿ ಡೌನ್‌ ಲೋಡ್ ಮಾಡುವಷ್ಟು ವೇಗದಲ್ಲಿರಲಿದೆ. ಇತ್ತ, ಅದೇ ಸಿನಿಮಾವನ್ನು 4ಜಿ ಯಲ್ಲಿ ಡೌನ್‌ ಲೋಡ್ ಮಾಡಲು 7 ನಿಮಿಷ ಬೇಕಾಗುತ್ತದೆ. ಒಟ್ಟಾರೆ, ನಿಜವಾದ ಡೌನ್‌ ಲೋಡ್ ವೇಗವು ಸ್ಥಳ ಮತ್ತು ನೆಟ್‌ ವರ್ಕ್ ಟ್ರಾಫಿಕ್ ಸೇರಿದಂತೆ ಹಲವಾರು ಅಂಶಗಳನ್ನು ಅವಲಂಬಿಸಿರುತ್ತದೆ.

5ಜಿ ನೆಟ್‌ ವರ್ಕ್‌ ನ ಪ್ರಯೋಜನಗಳನ್ನು ಪಡೆಯಲು, ಗ್ರಾಹಕರು 5ಜಿ ಬೆಂಬಲಿಸುವ ಸಾಧನಗಳನ್ನು ಹೊಂದಿರಬೇಕು. ಸ್ಯಾಮ್‌ ಸಂಗ್, ಮೊಟೊರೊಲಾ, ಹುವಾವೇ, ಎಲ್‌ ಜಿ, ಒನ್‌ ಪ್ಲಸ್ ಮತ್ತು ಇತರ ಹಲವಾರು ತಯಾರಕ ಸಂಸ್ಥೆಗಳು 5G ಫೋನ್‌ ಗಳನ್ನು ಬಿಡುಗಡೆ ಮಾಡಿವೆ. ಕೆಲವು ಕಂಪನಿಗಳು, ತಯಾರಕರು 5ಜಿ ನೆಟ್‌ ವರ್ಕ್ ಗಳನ್ನು ಸ್ಥಾಪಿಸಲು ಕ್ಯಾರಿಯರ್‌ ಗಳೊಂದಿಗೆ ಕೆಲಸ ಮಾಡುತ್ತಿವೆ.

ಸಂಪೂರ್ಣ 5ಜಿ ತಂತ್ರಜ್ಞಾನ ಅಳವಡಿಸಲು ಹಲವು ವರ್ಷಗಳೇ ಬೇಕಾಗಬಹುದು. ಒಂದು ಅಂದಾಜಿನ ಪ್ರಕಾರ, 2025ರ ವೇಳೆಗೆ ಸುಮಾರು ಅರ್ಧದಷ್ಟು ಮೊಬೈಲ್ ಡಿವೈಸ್‌ ಗಳು 5ಜಿ ಆಗಿರುತ್ತದೆ (ಉಳಿದವು 4ಜಿ ಅಥವಾ 3ಜಿಯಲ್ಲೇ ಇರಲಿದೆ). ಎಲ್ಲಾ ತಂತ್ರಜ್ಞಾನದಂತೆ, 5ಜಿ ಯಲ್ಲೂ ಕೆಲವೊಂದಿಷ್ಟು ನ್ಯೂನತೆಗಳನ್ನು ಕಾಣಬಹುದು. ಪ್ರಸ್ತುತ ಅದು ಸ್ಪಷ್ಟವಾಗಿ ಇರದಿದ್ದರೂ, ಹೆಚ್ಚಿನ ಸಾಧನಗಳು ಕೈ ಜೋಡಿಸಿದಾಗ, ಹಿನ್ನಡೆಗಳು ಕಾಣಬಹುದು. ಸೆಲ್ಫ್ ಡ್ರೈವಿಂಗ್ ಕಾರುಗಳು ಮತ್ತು ಹೆಲ್ತ್‌ಕೇರ್ ಸಿಸ್ಟಂಗಳನ್ನು 5ಜಿ ನೆಟ್‌ ವರ್ಕ್‌ ನ ಮೇಲೆ ನಿರ್ಮಿಸಲಾಗುವುದರಿಂದ, ಅದರ ಸುರಕ್ಷತೆ ಬಗ್ಗೆ ಹಲವರಲ್ಲಿ ಆತಂಕವಿದೆ.