500 ಕೋಟಿ ದಂಡ

ಹೊಸದಿಲ್ಲಿ: ಡೀಸೆಲ್‌ ಕಾರುಗಳಲ್ಲಿ ದೋಷಪೂರಿತ ಮಾಲಿನ್ಯ ನಿಯಂತ್ರಣ ವ್ಯವಸ್ಥೆ ಅಳವಡಿಸಿ, ಮಾಲಿನ್ಯ ಪ್ರಮಾಣ ಗೊತ್ತಾಗದಂತೆ ಮಾಡಿದ ಆರೋಪದ ಹಿನ್ನೆಲೆಯಲ್ಲಿ ಜರ್ಮನಿಯ ಕಾರು ತಯಾರಕ ಸಂಸ್ಥೆ ವೋಕ್ಸ್‌ ವ್ಯಾಗನ್‌ಗೆ ರಾಷ್ಟ್ರೀಯ ಹಸಿರು ನ್ಯಾಯಾಧಿಕರಣ (ಎನ್‌ಜಿಟಿ) 500 ಕೋಟಿ ರೂ. ದಂಡ ಪಾವತಿ ಮಾಡುವಂತೆ ಆದೇಶ ನೀಡಿದೆ. 

ಎರಡು ತಿಂಗಳ ಒಳಗಾಗಿ ಈ ಮೊತ್ತವನ್ನು ಪಾವತಿ ಮಾಡುವಂತೆಯೂ ಕಂಪನಿಗೆ ಸೂಚಿಸಲಾಗಿದೆ. 2018ರ ನ.16ರಂದು ಕಾರು ಚಾಲನೆ ಮಾಡುವಾಗ ಹೊರ ಸೂಸುವ ಹೊಗೆ ಪ್ರಮಾಣದ ಗೊತ್ತಾಗದಂತೆ ಮಾಡಲು ಉಪಕರಣ ಅಳವಡಿಸಿದ್ದ ಅಂಶ ಗೊತ್ತಾಗಿತ್ತು. ಈ ಸಂದರ್ಭದಲ್ಲಿ 100 ಕೋಟಿ ರೂ. ಮಧ್ಯಂತರ ಮೊತ್ತವನ್ನು ಕೇಂದ್ರೀಯ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಗೆ ಠೇವಣಿ ಇರಿಸುವಂತೆ ಸೂಚಿಸಿತ್ತು.