Panipuri: ಪಾನಿಪುರಿ ತಿಂದು 50 ಮಂದಿ ಅಸ್ವಸ್ಥ

ರಾಂಚಿ: ಜಾರ್ಖಂಡ್‌ನ‌ ಕೊಡೆರ್ಮಾ ಜಿಲ್ಲೆಯಲ್ಲಿ ಪಾನಿಪುರಿ(ಗೋಲ್‌ ಗಪ್ಪ) ತಿಂದು 40 ಮಕ್ಕಳು ಮತ್ತು 10 ಮಹಿಳೆಯರು ಅಸ್ವಸ್ಥಗೊಂಡಿದ್ದಾರೆ. ಕೊಡೆರ್ಮಾ ಜಿಲ್ಲೆಯ ಲೊಕಾಯ್‌ ಪಂಚಾಯತಿಯ ಗೊಸೈನ್‌ ತೊಲದಲ್ಲಿ ಎಂಬಲ್ಲಿ ಬೀದಿಬದಿಯ ವ್ಯಾಪಾರಿ ಮಾರುತ್ತಿದ್ದ ಪಾನಿಪುರಿ ತಿಂದ ನಂತರ 50 ಮಂದಿಗೆ ವಾಂತಿ ಮತ್ತು ಬೇಧಿಯಾಗಿದೆ.

ಅವರು ಕೂಡಲೇ ಕೊಡೆರ್ಮಾದ ಆಸ್ಪತ್ರೆಗೆ ದಾಖಲಿಸಲಾಗಿದ್ದಾರೆ. ವೈದ್ಯರು ಪರೀಕ್ಷಿಸಿದಾಗ ಬ್ಯಾಕ್ಟಿರಿಯಾದ ಸೋಂಕು ಆಗಿರುವುದು ಪತ್ತೆಯಾಗಿದೆ. ಅಸ್ವಸ್ಥಗೊಂಡ ಮಕ್ಕಳು 9ರಿಂದ 15 ವರ್ಷದೊಳವರಾಗಿದ್ದು, ಸದ್ಯ ಅವರ ಆರೋಗ್ಯ ಸ್ಥಿತಿ ಸುಧಾರಿಸಿದೆ.