ಹಳಿ ತಪ್ಪಿ ರೈಲು ಅಪಘಾತ : 48 ಪ್ರಯಾಣಿಕರ ದುರ್ಮರಣ

ತೈವಾನ್ : ರೈಲು ಹಳಿ ತಪ್ಪಿದ ಪರಿಣಾಮ ಸಂಭವಿಸಿದ ದುರಂತದಲ್ಲಿ ಮಡಿದವರ ಸಂಖ್ಯೆ 48ಕ್ಕೆ ಏರಿಕೆಯಾಗಿದೆ ಹಾಗೂ ಗಾಯಗೊಂಡಿರುವ 66 ಮಂದಿಯನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ತೈವಾನ್‍ನ ಪೂರ್ವ ಕೌಂಟಿಹುಯಾಲಿನ್ʼನಲ್ಲಿ ರೈಲು ಹಳಿ ತಪ್ಪಿದೆ. ಭಾಗಶಃ ಹಳಿ ತಪ್ಪಿದ ರೈಲಿನೊಳಗೆ ಸಿಲುಕಿದ್ದ ಉಳಿದೆಲ್ಲಾ ಪ್ರಯಾಣಿಕರನ್ನ ರಕ್ಷಿಸಲಾಗಿದೆ ಎಂದು ಸ್ಥಳೀಯ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ ಎಂದು ಕ್ಯೋಡೊ ನ್ಯೂಸ್ ವರದಿ ಮಾಡಿದೆ. ಇನ್ನು ಎಂಟು ಬೋಗಿಯ ರೈಲಿನಲ್ಲಿ 490 ಪ್ರಯಾಣಿಕರಿದ್ದರು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ತೈವಾನ್ ಅಧ್ಯಕ್ಷ ತ್ಸಾಯ್ ಇಂಗ್ ವೆನ್ ಅವರು ಪ್ರಯಾಣಿಕರ ರಕ್ಷಣಾ ಕಾರ್ಯದಲ್ಲಿ ತಮ್ಮ ಸಂಪೂರ್ಣ ಪ್ರಯತ್ನಗಳನ್ನ ಮಾಡುವಂತೆ ಸಾರಿಗೆ ಸಚಿವಾಲಯ ಸೇರಿದಂತೆ ಎಲ್ಲಾ ಸರ್ಕಾರಿ ಸಂಸ್ಥೆಗಳಿಗೆ ಸೂಚನೆ ನೀಡಿದ್ದರು.