41ಕೆಜಿ ಗಾಂಜಾ ಸಾಗಾಟ: ಮೂವರ ಸೆರೆ

ಜೇವರ್ಗಿ: ಬೈಕ್‌ ಮೇಲೆ ಗಾಂಜಾ ಸಾಗಿಸುತ್ತಿದ್ದ ಮೂವರು ಆರೋಪಿಗಳನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೆ ಒಪ್ಪಿಸಿದ ಘಟನೆ ನೆಲೋಗಿ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

ಮಹಾರಾಷ್ಟ್ರದ ಸೊಲ್ಲಾಪುರ ಜಿಲ್ಲೆಯ ಆರೋಪಿತರನ್ನು ಬಂಧಿಸಿ ಅವರಿಂದ 41.8 ಕೆ.ಜಿ ಗಾಂಜಾ ಸಾಗಾಟಕ್ಕೆ ಬಳಸುತ್ತಿದ್ದ ಬೈಕ್‌ ವಶಪಡಿಸಿಕೊಳ್ಳಲಾಗಿದೆ.

ಎಸ್‌ಪಿ ಡಾ| ಇಶಾ ಪಂತ್‌, ಹೆಚ್ಚುವರಿ ವರಿಷ್ಠಾಧಿಕಾರಿ ಪ್ರಸನ್ನ ದೇಸಾಯಿ, ಡಿವೈಎಸ್ಪಿ ಶೀಲವಂತ ಎಸ್‌. ಎಚ್‌ ಮಾರ್ಗದರ್ಶನದಲ್ಲಿ ಸಿಪಿಐ ಶಿವಪ್ರಸಾದ ಮಠದ್‌, ನೆಲೋಗಿ ಪಿಎಸ್‌ಐ ರಾಜಕುಮಾರ ಜಾಮಗೊಂಡ ನೇತೃತ್ವದಲ್ಲಿ ಎಎಸ್‌ಐ ಗುರುಬಸಪ್ಪ, ಸಿಬ್ಬಂದಿಗಳಾದ ಶಿವಪ್ಪ, ಸೋಮಶೇಖರ, ಚಂದ್ರಾಮ, ರಾಜಕುಮಾರ, ಶಿವರಾಯ ಖಚಿತ ಮಾಹಿತಿ ಮೇರೆಗೆ ರಾಷ್ಟ್ರೀಯ ಹೆದ್ದಾರಿ-50ರ ನೆಲೋಗಿ ಕಮಾನು ಹತ್ತಿರ ಬೈಕ್‌ ಮೇಲೆ ಗಾಂಜಾ ಸಾಗಾಟ ಮಾಡುತ್ತಿದ್ದ ಮೂವರು ಸೊಲ್ಲಾಪುರ ಮೂಲದವರಿಂದ 4.10 ಲಕ್ಷ ರೂ. ಮೌಲ್ಯದ 41.8 ಕೆಜಿ ಗಾಂಜಾ, 8 ಸಾವಿರ ರೂ. ಮೌಲ್ಯದ ಬೈಕ್‌ ವಶಪಡಿಸಿಕೊಂಡು ಆರೋಪಿತರನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ. ಘಟನೆ ಕುರಿತು ನೆಲೋಗಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.