Manipur: ಮಣಿಪುರದಲ್ಲಿ ಪೊಲೀಸ್‌ ಸೇರಿ 4 ಮಂದಿಯ ಹತ್ಯೆ

ಇಂಫಾಲ್‌: ಸಂಘರ್ಷ ಪೀಡಿತ ಮಣಿಪುರದಲ್ಲಿ ಹಿಂಸಾಚಾರ ಮುಂದುವರಿದಿದ್ದು, ಶನಿವಾರ 24 ಗಂಟೆಗಳ ಅವಧಿಯಲ್ಲಿ ಪ್ರತ್ಯೇಕ ಘಟನೆಗಳಲ್ಲಿ ಓರ್ವ ಪೊಲೀಸ್‌ ಸಿಬ್ಬಂದಿ ಹಾಗೂ ಒಬ್ಬ ಯುವಕ ಸೇರಿದಂತೆ 4 ಮಂದಿಯನ್ನು ಗುಂಡಿಟ್ಟು ಹತ್ಯೆಗೈದಿರುವುದು ವರದಿಯಾಗಿದೆ.

ಬಿಷ್ಣುಪುರ ಹಾಗೂ ಚುರಾಚಾಂದ್‌ಪುರದ ಗಡಿ ಭಾಗಗಳಲ್ಲಿ ಹಿಂಸಾಚಾರ ನಡೆದಿದ್ದು, ಶುಕ್ರವಾರ ಸಂಜೆ ಶಂಕಿತ ಬಂಡುಕೋರರ ಜತೆಗಿನ ಕಾದಾಟದಲ್ಲಿ ಪೊಲೀಸ್‌ ಸಿಬ್ಬಂದಿಯೊಬ್ಬರು ಮೃತಪಟ್ಟಿದ್ದರೆ, ಶನಿವಾರ ಬೆಳಗ್ಗೆ ಬಾಲಕ ಸೇರಿ ಮೂವರನ್ನು ಕೊಲ್ಲಲಾಗಿದೆ. ಕುಕಿ ಹಾಗೂ ಮೈತೇಯಿ ಸಮುದಾಯದ ನಡುವಿನ ಕಿಚ್ಚು ಇನ್ನೂ ಕಡಿಮೆಯಾಗಿರದ ಹಿನ್ನೆಲೆ ಆಗಾಗ ಜನರ ಗುಂಪು ಒಬ್ಬರ ಮೇಲೊಬ್ಬರು ದಾಳಿ ನಡೆಸುತ್ತಲೇ ಇದ್ದಾರೆ. ಇದೂ ಅದೇ ದಾಳಿಗಳ ಭಾಗವೆಂದು ಅಧಿಕಾರಿಗಳು ಹೇಳಿದ್ದಾರೆ. ಮತ್ತೂಂದೆಡೆ 150 ರಿಂದ 200 ಜನರ ಗುಂಪೊಂದು ಕಂಗ್ಲಾ ಕೋಟೆ ಬಳಿ ವಾಹನಗಳ ಬೆಂಕಿ ಹಚ್ಚಿ, ಪೊಲೀಸರಿಂದ ಶಸ್ತ್ರ ಕಸಿಯಲೂ ಮುಂದಾಗಿರುವುದು ವರದಿಯಾಗಿದೆ.